រៀនភាសាខ្មែរដើម្បីជួយជនរួមជាតិ
កប.អនឡាញ - "ជំរាបសួរ លោកស្រីសុខសប្បាយទេ?" លោកវរសេនីយ៍ទោ Nguyen Huu Trang បុគ្គលិករបស់ក្រុមចលនាមហាជន នៃប៉ុស្តិ៍ការពារព្រំដែន Lai Hoa (កងទ័ពការពារព្រំដែនខេត្ត Soc Trang) ញញឹមជម្រាបសួរលោកស្រី Son Thi Phal ដែលជាជនជាតិខ្មែរនៅភូមិ Xeo Su ឃុំ Lai Hoa ទីរួមខេត្ត Vinh Chau ខេត្ត Soc Trang។
"ជំរាបសួរ ប្អូនសុខសប្បាយទេ!" លោកស្រី Phal តបវិញ
ការសន្ទនារវាងលោកវរសេនីយ៍ទោ Nguyen Huu Trang និងលោកស្រី Phal ជាភាសាខ្មែរកាន់តែសប្បាយនិងស្និទស្នាល។ លោកស្រី Phal បានថ្លែងអំណរគុណចំពោះនាយទាហាន នាយទាហានរងនៃប៉ុស្តិ៍ការពារព្រំដែន Lai Hoa ដែលបានជួយឧបត្ថម្ភ និងជួយគ្រួសារលោកស្រីជំនះការលំបាកក្នុងជីវភាពរស់នៅ។ ជាពិសេស ប៉ុស្តិ៍បានជួយសាងសង់ផ្ទះ ផ្តល់ថវិកានៅពេលគ្រួសារជួបការលំបាក និងផ្តល់អំណោយក្នុងឱកាសពិធីបុណ្យធំៗ បុណ្យចូលឆ្នាំថ្មី...
ដោយឃើញថាយើងមានការភ្ញាក់ផ្អើលចំពោះការនិយាយភាសាខ្មែររបស់ខ្លួន លោក Trang បាននិយាយថា៖ «ពីមុនខ្ញុំមិនចេះភាសាខ្មែរទេ បន្ទាប់ពីបានចូលរួមថ្នាក់រៀនភាសាខ្មែររបស់អង្គភាព និងអនុវត្តជាប្រចាំ ឥឡូវខ្ញុំអាចប្រាស្រ័យទាក់ទងជាមួយប្រជាជនខ្មែរបានហើយ»។
    |
 |
|
កម្មាភិបាល នៃប៉ុស្តិ៍ការពារព្រំដែន Lai Hoa ចុះសួរសុខទុក្ខ និងសំណេះសំណាលជាមួយបងប្អូនជនជាតិខ្មែរ |
ប៉ុស្តិ៍ការពារព្រំដែន Lai Hoa គ្រប់គ្រងតំបន់ដែលមានជនជាតិភាគតិចជាច្រើនកំពុងរស់នៅ ក្នុងនោះជនជាតិខ្មែរមានប្រមាណជាង ៧០%។ អាស្រ័យហេតុនេះ គណៈកម្មាធិការបក្ស មេបញ្ជាការប៉ុស្តិ៍ បានកំណត់ថា បើចង់បំពេញការងារឃោសនាផ្សព្វផ្សាយ និងចលនាប្រជាពលរដ្ឋឲ្យគោរពច្បាប់ ជួយប្រជាពលរដ្ឋអភិវឌ្ឍសេដ្ឋកិច្ចសង្គម លុបបំបាត់ភាពអត់ឃ្លាន និងកាត់បន្ថយភាពក្រីក្រ... យើងត្រូវតែចេះភាសារខ្មែរដើម្បីប្រាស្រ័យទាក់ទងជាមួយបងប្អូនជនជាតិខ្មែរ។
ចាប់ពីពាក់កណ្តាលឆ្នាំ ២០២២ ប៉ុស្តិ៍ការពារព្រំដែនបើកវគ្គបំប៉ន់ភាសារខ្មែរជូននាយទាហាន និងទាយហានរងនៃអង្គភាព។ ថ្នាក់រៀនធ្វើឡើងពីរដងក្នុងមួយសប្តាហ៍។ គ្រូបង្រៀនជាលោកវរសេនីយ៍ត្រី Huynh Ne ជនជាតិខ្មែរ ជាប្រធានក្រុមកាណូត នៃប៉ុស្តិ៍ការពារព្រំដែន Lai Hoa។ ខ្លឹមសារនៃការបង្រៀនបានផ្តោតលើការប្រាស្រ័យទាក់ទងគ្នាប្រចាំថ្ងៃ។
លោកវរសេនីយ៍ត្រី Huynh Net បាននិយាយថា៖ "ដើម្បីធ្វើឱ្យថ្នាក់រៀនពិតជាមានភាពទាក់ទាញ ខ្ញុំតែងតែឲ្យសិក្ខាកាមសន្ទនាអំពីការរស់នៅប្រចាំថ្ងៃ... ដោយសារនោះ ការស្តាប់ ការនិយាយរបស់សិក្ខាកាមមានភាពប្រសើរឡើងយ៉ាងឆាប់រហ័ស"។
បច្ចុប្បន្ននេះ កម្មាភិបាល នៃប៉ុស្តិ៍ការពារព្រំដែន Lai Hoa មានយោធិនជាង ៥០% អាចប្រាស្រ័យទាក់ទងជាភាសាខ្មែរ។ ដោយសារអាចនិយាយភាសាខ្មែរបានជាការប្រាស្រ័យទាក់ទងជាមួយបងប្អូនជនជាតិខ្មែរកាន់តែងាយស្រួល និងសកម្មភាពជួយបងប្អូនជនជាតិខ្មែរកាន់តែមានប្រសិទ្ធភាព ទន្ទឹមនឹងនោះក៏រួមចំណែករឹតចំណងសាមគ្គីភាពរវាងកងទ័ព និងប្រជាជន បង្កើតលក្ខខណ្ឌអំណោយផលដើម្បីនាយទាហាន និងទាហានរង នៃប៉ុស្តិ៍ការពារព្រំដែន Lai Hoa អនុវត្តបានល្អនូវភារកិច្ចការពារអធិបតេយ្យភាព សន្តិសុខ និងកសាងតំបន់ព្រំដែនសមុទ្រនៅខេត្ត Soc Trang កាន់តែរីកចម្រើន និងនិងរឹងមាំថែមទៀត...
បកប្រែដោយ Duy Hoan