ពិធីអុជទៀនឧទ្ទិសកុសលជូនវិញ្ញាណក្ខ័ន្ធវីរជនពលី

លោកនាយឧត្តមសេនីយ៍ Phan Van Giang ថ្លែង​ក្នងពិធី

ប្រតិភូ ថ្នាក់ដឹកនាំ សមាជិកសម្ព័ន្ធយុវជន និងយុវជន បានអុជធូបបង្សុកូលឧទ្ទិសដល់វិញ្ញាណក្ខ័ន្ធ វីរអ្នកម្តាយវៀតណាម វីរជនពលី និងយុទ្ធជនពលីជិត ២,២០០ នាក់ នៅទីបញ្ចុះសពយុទ្ធជនពលីនៅទីក្រុងហាណូយ។ ក្នុងឱកាសនេះ គណៈកម្មការរៀបចំកម្មវិធីបានប្រគល់អំណោយចំនួន ៧៦ ជូនដល់យុទ្ធជនពិការ និងគ្រួសារដែលមានគុណបំណាច់ចំពោះប្រទេស។

លោកនាយឧត្តមសេនីយ៍ Phan Van Giang អុជធូប​ឧទ្ទិសកុសលជូនវិញ្ញាណក្ខ័ន្ធវីរជនពលី

ថ្លែងមតិនៅពិធីនេះ លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេស បានអះអាងថា បក្ស រដ្ឋ ប្រព័ន្ធនយោបាយទាំងមូល និងសង្គមទាំងមូល តែងតែយកចិត្តទុកដាក់ដឹកនាំ និងអនុវត្តល្អការតបស្នងសងគុណ កែលម្អជីវភាពរស់នៅទាំងខាងសម្ភារៈ និងស្មារតីរបស់យុទ្ធជនពិការ សាច់ញាតិរបស់យុទ្ធជនពលី និងអ្នកមានគុណបំណាច់ចំពោះបដិវត្តន៍។ លោកនាយឧត្តមសេនីយ៍ Phan Van Giang មានស្នើឱ្យប្រព័ន្ធនយោបាយទាំងមូល និងសង្គមទាំងមូល បន្តសម្របសម្រួលជាមួយស្ថាប័នគ្រប់លំដាប់ថ្នាក់ អង្គភាព និងមូលដ្ឋាន ដើម្បីជម្រុញការតបស្នងសងគុណ និងជួយ​គាំទ្រដល់គ្រួសារគោលនយោបាយ យកចិត្តទុកដាក់ជានិច្ចចំពោះការអប់រំប្រពៃណី ដើម្បីឲ្យយុវជនជំនាន់ក្រោយយល់ដឹងយ៉ាងជ្រាលជ្រៅ និងដឹងគុណបំណាច់ដ៏ធំធេងរបស់វរជនពលី និងអ្នកមានគុណបំណាច់ចំពោះបដិវត្តន៍។ លោកក៏ស្នើឱ្យអង្គភាព និងមូលដ្ឋានក្នុង និងក្រៅកងទ័ព បន្តយកចិត្តទុកដាក់ដឹកនាំ បង្កើតលក្ខខណ្ឌអំណោយផល សហការយ៉ាងជិតស្និទ្ធជាមួយអង្គការសម័្ពន្ធយុវជនគ្រប់លំដាប់ថ្នាក់ អនុវត្តប្រកបដោយប្រសិទ្ធភាពនូវគោលការណ៍ និងគោលនយោបាយរបស់បក្ស និងរដ្ឋចំពោះអ្នកមានគុណបំណាច់ចំពោះបដិវត្តន៍។

ពិធីអុជទៀនឧទ្ទិសកុសលជូនវិញ្ញាណក្ខ័ន្ធវីរជនពលី

ក្នុងខែកក្កដា សម្ព័ន្ធយុវជនគ្រប់លំដាប់ថ្នាក់នៅទូទាំងប្រទេសបានធ្វើសកម្មភាពជាច្រើនដើម្បីសម្តែងការដឹងគុណជូន​វីរជន យុទ្ធជនពលី និងអ្នកមានគុណបំណាច់ចំពោះបដិវត្តន៍៕

បកប្រែដោយ Duy Hoan