នាវាលេខ ២០ ចេញដំណើរទៅចូលរួម MNEK-4 នៅប្រទេសឥណ្ឌូនេស៊ីក្នុងក្របខ័ណ្ឌនៃ LIMA

នាវាលេខ ២០ ចូលរួមព្យុះហយាត្រានាវានារសៀលថ្ងៃទី ២៣ ខែឧសភា ក្នុងក្របខ័ណ្ឌនៃ LIMA ២០២៣

នៅក្នុងសមយុទ្ធនេះ នាវាលេខ ២០ និងនាវាចំនួន ២២ នាវាមកពីប្រទេសចំនួន ៩ ផ្សេងទៀត ចូលរួមសកម្មភាពដូចជា ការថតរូបពីលើអាកាស ការចល័តនាវាតាមក្រុម និងការគោរពគ្នាទៅវិញទៅមកនៅសមុទ្រ។ ក្នុងក្របខ័ណ្ឌនៃ LIMA ២០២៣ ចាប់ពីថ្ងៃទី ២៣ ដល់ថ្ងៃទី ២៧ ខែឧសភា កម្មាភិបាលនិងយុទ្ធជននៃនាវាលេខ ២០  បានចូលរួមសកម្មភាពជាច្រើនដូចជា ព្យុះហយាត្រា កិច្ចប្រជុំ កិច្ចសន្ទនា ទស្សនាការតាំងពិពណ៌ និងប្រកួតកីឡា ម្ហូបអាហារ .. ចូលរួមចំណែកយ៉ាងសកម្មដល់ជោគជ័យនៃ LIMA ២០២៣ និងបន្សល់ទុកនូវចំណាប់អារម្មណ៍ដ៏ល្អចំពោះកងទ័ពជើងទឹកនៃបណ្ដាប្រទេសនិងអ្នកតំបន់។

ក្រោយបញ្ចប់សមយុទ្ធដែនសមុទ្រ LIMA ២០២៣ នារសៀលថ្ងៃទី ២៨ ឧសភា នាវាលេខ២០ និងគណៈប្រតិភូបានបន្តធ្វើដំណើរទៅកាន់ទីក្រុង Makassar ខេត្ត South Sulawesi ប្រទេសឥណ្ឌូនេស៊ី ដើម្បីចូលរួមសកម្មភាពក្នុងក្របខ័ណ្ឌនៃសមយុទ្ធកងទ័ពជើងទឹកពហុភាគីលើកទី ៤ (MNEK-4) ដែលរៀបចំដោយកងទ័ពជើងទឹកឥណ្ឌូនេស៊ីដែលគ្រោងនឹងប្រព្រឹត្តទៅចាប់ពីថ្ងៃទី ៤ ដល់ថ្ងៃទី ៨ ខែមិថុនា។

ដំណើររបស់នាវាលេខ ២០ និងគណៈប្រតិភូទៅកាន់ប្រទេសម៉ាឡេស៊ី និងឥណ្ឌូណេស៊ី ក្នុងគោលបំណងអនុវត្តតាមការបញ្ជាណែនាំរបស់គណៈកម្មាធិការបក្សយោធាមជ្ឈិម និងក្រសួងការពារប្រទេសស្តីពីការសមាហរណកម្មអន្តរជាតិ និងការទូតការពារជាតិ។ បន្តលើកកម្ពស់សមត្ថភាពសហការក្នុងការឆ្លើយតបទៅនឹងបញ្ហាប្រឈមរួមអំពីសន្តិសុខនាវាចរណ៍។ ពង្រឹង និងពង្រីក​ថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការដ៏ល្អប្រពៃរវាងកងទ័ពនិងកងទ័ពជើងទឹកប្រជាជនវៀតណាមជាមួយកងទ័ពនិងកងទ័ពជើងទឹកនៃបណ្ដាប្រទេស៕

បកប្រែដោយ Pham Diep