សម្របសម្រួលក្នុងការការពារព្រំដែនវៀតណាម-ឡាវឱ្យបានល្អ

កងអនុសេនាធំការពារព្រំដែនលេខ ២១៣ ឈរជើងនៅភូមិ Sop San ស្រុក Xiengkhor ខេត្ត Huaphanh (ឡាវ)។ កងអនុសេនាធំការពារព្រំដែនលេខ ២១៣ គ្រប់គ្រងព្រំដែនដែលមានប្រវែងជាង ៦០ គីឡូម៉ែត្រ ជាប់នឹងស្រុក Yen Chau និងស្រុក Mai Son នៃខេត្ត Son La នៃប្រទេសវៀតណាម។ កងអនុសេនាធំការពារព្រំដែនលេខ ២១៣ បានចងសម្ព័ន្ធមេត្រីភាពជាមួយប៉ុស្តិ៍កងទ័ពការពារព្រំដែន៖ Phieng Pan,  Chieng On, Chieng Tuong នៃកងទ័ពការពារព្រំដែនខេត្ត Son La។

លោកឧត្តមសេនីយ៍ឯក Hoang Xuan Chien អញ្ជើញទៅបំពេញទស្សនកិច្ចនៅកងអនុសេនាធំការពារព្រំដែនលេខ ២១៣ នៃកងទ័ពប្រជាជនឡាវ

បន្ទាប់ពីបានស្តាប់របាយការណ៍នោះ លោកឧត្តមសេនីយ៍ឯក Hoang Xuan Chien បានវាយតម្លៃខ្ពស់ចំពោះសមិទ្ធិផលដែលកងអនុសេនាធំការពារព្រំដែនលេខ ២១៣ សម្រេចបាននាពេលកន្លងមក ទោះបីជាមានលក្ខខណ្ឌភូមិសាស្ត្រ ហេដ្ឋារចនាសម្ព័ន្ធនៅតែប្រឈមមុខនឹងការលំបាកជាច្រើន។

លោកអនុរដ្ឋមន្ត្រីក្រសួងការពារប្រទេសវៀតណាមបានសង្កត់ធ្ងន់ថា៖ បច្ចុប្បន្នកម្លាំងអរិភាពកំពុងបង្កើនការបំបែកបំបាក់ទំនាក់ទំនងនៃប្រទេសទាំងពីរឡាវនិងវៀតណាម; ឧក្រិដ្ឋកម្មឆ្លងដែន និងបញ្ហាសន្តិសុខមិនប្រពៃណីកាន់តែមានភាពស្មុគ្រស្មាញ  និងមិនអាចទាយទុកជាមុនបាន។ អាស្រ័យហេតុនេះ កងកម្លាំងគ្រប់គ្រង និងការពារព្រំដែននៃប្រទេសទាំងពីរ រួមទាំងកងអនុសេនាធំការពារព្រំដែនលេខ ២១៣ និងអង្គភាពការពារព្រំដែនវៀតណាម ត្រូវបង្កើនការប្រុងប្រយ័ត្ន រៀបចំការយាមល្បាត និងគ្រប់គ្រងព្រំដែនយ៉ាងតឹងរ៉ឹង។ ចែករំលែកព័ត៌មានអំពីស្ថានភាពរបស់ភាគីនីមួយៗបានទាន់ពេល។

សម្របសម្រួលជំរុញការអប់រំ ផ្សព្វផ្សាយ និងចលនាប្រជាជននៅសងខាងព្រំដែនឱ្យគោរពយ៉ាងម៉ឺងម៉ាត់នូវបទប្បញ្ញត្តិច្បាប់របស់ភាគីនីមួយៗ គោរពតាមកិច្ចព្រមព្រៀង និងបទប្បញ្ញត្តិស្តីពីការគ្រប់គ្រងព្រំដែន និងច្រកទ្វារព្រំដែនគោកវៀតណាម-ឡាវ; សម្របសម្រួលនិងប្រយុទ្ធប្រឆាំងប្រកបដោយប្រសិទ្ធភាពនូវឧក្រិដ្ឋកម្មឆ្លងដែនខុសច្បាប់; បន្តសម្របសម្រួលឱ្យបានល្អក្នុងការអនុវត្តការល្បាតទ្វេភាគី ដើម្បីការពារព្រំដែន និងបង្គោលព្រំដែនជាតិ ... ដើម្បីធានាសន្តិសុខនយោបាយ សណ្តាប់ធ្នាប់សង្គម និងសុវត្ថិភាពនៅតាមតំបន់ព្រំដែន។

ក្នុងឱកាសនេះ តាងនាមក្រសួងការពារប្រទេសវៀតណាម លោកអនុរដ្ឋមន្ត្រី Hoang Xuan Chien បានប្រគល់អំណោយជូនកម្មាភិបាលនិងយុទ្ធជននៃកងអនុសេនាធំការពារព្រំដែនលេខ ២១៣ រួមចំណែកជួយអង្គភាពជំនះពុះពារការលំបាកក្នុងជីវភាពរស់នៅ។ អំណោយទាំងនេះរួមមាន  ម៉ាស៊ីនព្រីន កុំព្យូទ័រលើតុ ទូរទស្សន៍ ឧបករណ៍បំពងសម្លេង វិទ្យុ...៕

បកប្រែដោយ Pham Diep