ពង្រឹងការអនុវត្តបច្ចេកវិទ្យា និងមធ្យោបាយបច្ចេកទេសក្នុងការប្រយុទ្ធប្រឆាំងនឹងឧក្រិដ្ឋកម្ម

លោកឧត្តមសេនីយ៍ឯក Vo Minh Luong ថ្លែង​ក្នុង​កិច្ចប្រជុំ​

យោងតាមរបាយការណ៍ដែលបានថ្លែងនៅក្នុងកិច្ចប្រជុំនេះ ក្នុងរយៈពេលកន្លងមក ស្ថាប័ននិងអង្គភាពនានាបានរៀបចំផែនការអនុវត្តយ៉ាងម៉ឺងម៉ាត់។ ក្នុងការប្រយុទ្ធប្រឆាំងនឹងឧក្រិដ្ឋកម្ម និងការបំពានច្បាប់ អង្គភាពបានផ្លាស់ប្តូរថ្មីនូវវិធីសាស្រ្តប្រតិបត្តិការប្រកបដោយភាពបត់បែននិងសមស្រប  ដោយសម្រេចបានជោគជ័យ​នូវគោលដៅដែលបានកំណត់។ គណៈកម្មការដឹកនាំលេខ ១៣៨៩ នៃក្រសួងការពារប្រទេស បានចុះត្រួតពិនិត្យនៅតាម​អង្គភាពមួយចំនួន ដោយបានលើកសរសើចំពោះលទ្ធផលដែលសម្រេចបាន រួមទាំងបានចង្អុលបង្ហាញកង្វះខាតនានាដែលត្រូវជំនះផង។ គណៈកម្មការដឹកនាំលេខ១៣៨៩ បានសម្របសម្រួលយ៉ាងល្អជាមួយកម្លាំងមានសមត្ថកិច្ចក្នុងមូលដ្ឋាន ដើម្បីពង្រឹងការយាមល្បាត ត្រួតពិនិត្យ និងទប់ស្កាត់បទល្មើសបានទាន់ពេលវេលា។

ទិដ្ឋភាព​នៃ​កិច្ចប្រជុំ​

ថ្លែងក្នុងកិច្ចប្រជុំនេះ លោកឧត្តមសេនីយ៍ឯក Vo Minh Luong បានកោតសរសើរចំពោះលទ្ធផលដែលអង្គភាពសម្រេចបាន និងស្នើឱ្យកងកម្លាំងមានសមត្ថកិច្ចរបស់កងទ័ពលើកកំពស់គុណភាព និងប្រសិទ្ធភាពការងារ អនុវត្តបច្ចេកវិទ្យា និងមធ្យោបាយបច្ចេកទេសក្នុងការប្រយុទ្ធប្រឆាំងនឹងឧក្រិដ្ឋកម្ម ពង្រឹងការយាមល្បាត និងត្រួតពិនិត្យយ៉ាងតឹងរុឹងតាមព្រំដែន ច្រកទ្វារព្រំដែន កំពង់ផែសមុទ្រ និងនៅលើ​សមុទ្រ រកឃើញ ចាប់ខ្លួន បង្ក្រាបបទល្មើស រក្សានិងគ្រប់គ្រងស្ថានការណ៍នៅ​​អង្គភាពឲ្យបានម៉ឺងម៉ាត់ កុំបណ្តោយឲ្យកម្មាភិបាលនិងយោធិនល្មើសនឹងវិន័យ និងច្បាប់។ ទន្ទឹមនឹងនោះ ត្រូវបន្តផ្សព្វផ្សាយអប់រំច្បាប់និងលើកកម្ពស់ការយល់ដឹងរបស់ប្រជាពលរដ្ឋក្នុងការប្រយុទ្ធប្រឆាំងនឹងឧក្រិដ្ឋកម្ម...៕

បកប្រែដោយ Duy Hoan