លោកនាយឧត្តមសេនីយ៍ Ngo Xuan Lich អញ្ជើញបំពេញទស្សនកិច្ចការងារនៅបញ្ជាការដ្ឋានយោធភូមិភាគទី ៧

ថ្នាក់​ដឹក​នាំ​យោធភូមិភាគទី ៧ ទទួលស្វាគមន៍​លោក​នាយឧត្តមសេនីយ៍ Ngo Xuan Lich

នៅក្នុងជំនួបនេះ លោកឧត្តមសេនីយ៍ត្រី Nguyen Truong Thang សមាជិកគណៈកម្មាធិការមជ្ឈិមបក្ស មេបញ្ជាការ នៃបញ្ជាការដ្ឋានយោធភូមិភាគទី ៧ តាងនាមគណៈអចិន្ត្រៃយ៍នៃគណៈកម្មាធិការបក្ស បញ្ជាការដ្ឋានយោធភូមិភាគ បានរាយការណ៍អំពីលទ្ធផលនៃការអនុវត្តភារកិច្ចយោធាការពារជាតិរបស់យោធភូមិភាគទី ៧។ ក្នុងស្ថានភាពស្មុគស្មាញនៃគ្រោះមហន្តរាយធម្មជាតិ និងរោគរាតត្បាត កងកម្លាំងប្រដាប់អាវុធរបស់យោធភូមិភាគទី ៧ បានខិតខំបំពេញភារកិច្ច​យោធាការពារជាតិដោយជោគជ័យ និងអនុវត្តប្រកបដោយប្រសិទ្ធភាពការការពារប្រយុទ្ធ​ប្រឆាំងនឹងការរាតត្បាត Covid-19។ បណ្ដាទម្រង់ និងគោលការណ៍ណែនាំថ្មីរបស់យោធភូមិភាគត្រូវបានដាក់ពង្រាយកាន់តែមានប្រសិទ្ធិភាពដោយទទួលបានការគាំទ្រយ៉ាងខ្លាំងពីគណៈកម្មាធិការបក្ស អាជ្ញាធរមូលដ្ឋានគ្រប់លំដាប់ថ្នាក់ និងប្រជាជន។

លោក​នាយឧត្តមសេនីយ៍​ Ngo Xuan Lich ថ្លែង​ក្នុង​ជំនួប​

ថ្លែងនៅក្នុងជំនួប លោករដ្ឋមន្ត្រីក្រសួងការពារប្រទេសបានកោតសរសើរចំពោះសមិទ្ធិផល និងលទ្ធផលរបស់កងកំលាំងប្រដាប់អាវុធយោធភូមិភាគទី ៧ ក្នុងការអនុវត្តភារកិច្ច​យោធាការពារជាតិ ជាពិសេសការយកចិត្តទុកដាក់លើការកសាង លើកកំពស់គុណភាពនៃកម្លាំងប្រយុទ្ធ។ នាពេលខាងមុខ លោកនាយឧត្តមសេនីយ៍ Ngo Xuan Lich បានស្នើឱ្យយោធភូមិភាគទី ៧ បន្តគោរពយ៉ាងម៉ឺងម៉ាត់នូវសេចក្តីសម្រេចចិត្ត  និងសេចក្តីណែនាំរបស់គណៈកម្មាធិការបក្សយោធាមជ្ឈិម ក្រសួងការពារប្រទេស ជាពិសេសស្តីពីភារកិច្ចយោធាការពារជាតិ  ការហ្វឹកហ្វឺន ការត្រៀមប្រយុទ្ធ  ក្តាប់ជាប់សភាពការណ៍លើគ្រប់ទិដ្ឋភាពជាប្រចាំ ផ្តល់យោបល់ជូនគណៈកម្មាធិការបក្សយោធាមជ្ឈិម និងក្រសួងការពារប្រទេស​។ គណៈកម្មាធិការបក្ស បញ្ជាការដ្ឋានយោធភូមិភាគ ត្រូវផ្តោតសំខាន់លើការដឹកចំពោះការកសាងខឿនការពារជាតិដោយប្រជាជនទាំងមូល កសាងកងកម្លាំងប្រដាប់អាវុធនៃយោធភូមិភាគឲ្យកាន់តែរឹងមាំ លើកកំពស់កម្លាំងប្រយុទ្ធរបស់កងកំលាំងប្រដាប់អាវុធ ព្រមទាំងបន្តលើកកម្ពស់គុណភាពនៃការហ្វឹកហ្វឺន ដោយភ្ជាប់ការហ្វឹកហ្វឺនជាមួយការកសាងអង្គភាពមានរបៀបរៀបរយ គោរពវិន័យ៕

បកប្រែដោយ Duy Hoan