ការអនុវត្ដការងារសម្រាប់ក្រុមវប្បធម៌ និងសិល្បៈទៅចូលរួមការប្រកួត Army Games 2020
កប.អនឡាញ - នារសៀលថ្ងៃទី ៨ ឧសភា នៅទីក្រុងហាណូយ នាយកដ្ឋានឃោសនាអប់រំនៃអគ្គស្នងការដ្ឋាននយោបាយ កងទ័ពប្រជាជនវៀតណាមបានរៀបចំសន្និសីទស្តីពីការអនុវត្ដការងារសម្រាប់ក្រុមវប្បធម៌និងសិល្បៈទៅចូលរួមការប្រកួតកីឡាយោធាអន្តរជាតិ (Army Games ) ឆ្នាំ ២០២០ នៅសហព័ន្ធរុស្ស៊ី។
នេះជាលើកទី ២ ហើយដែលក្រុមវប្បធម៌និងសិល្បៈចូលរួមការប្រកួតសំដែងសិល្បៈ ក្រោមប្រធានបទ “មិត្តភាពគ្មានព្រំដែន” ក្នុងក្របខ័ណ្ឌនៃ Army Games ដែលមានខ្លឹមសារសំខាន់ពីរគឺការសម្តែងសិល្បៈនិងការផ្លាស់ប្តូរវប្បធម៌។
នៅក្នុងសន្និសីទនេះ ថ្នាក់ដឹកនាំនាយកដ្ឋានឃោសនាអប់រំបានវាយតម្លៃខ្ពស់ចំពោះស្មារតីទទួលខុសត្រូវរបស់អង្គភាពនានាដែលមានសមាជិកចូលរួមការប្រកួតនេះដោយបានកសាងផែនការហ្វឹកហាត់ក្នុងប្រទេសក៏ដូចជារៀបចំគណៈប្រតិភូទៅចូលរួមព្រឹត្តិការណ៍នេះផងដែរ៕
បកប្រែដោយ Pham Diep