ក្រសួងការពារប្រទេសវៀតណាមអនុវត្តភារកិច្ចសំខាន់ៗមួយចំនួននៅក្នុងខែឧសភា ឆ្នាំ២០២០

លោកនាយឧត្តមសេនីយ៍ Ngo Xuan Lich អញ្ជើញធ្វើជាអធិបតីក្នុងកិច្ចប្រជុំ

ថ្លែងមតិនៅកិច្ចប្រជុំនេះ លោកនាយឧត្តមសេនីយ៍ Ngo Xuan Lich  បានស្នើឲ្យបណ្តាអង្គភាពក្នុងកងទ័ពទាំងមូលត្រូវផ្តោតលើការដឹកនាំ និងបំពេញភារកិច្ចសំខាន់ៗឱ្យបានល្អនៅក្នុងខែឧសភាខាងមុខនេះ។ ជាដំបូងបង្អស់គឺដឹកនាំកងទ័ពទាំងមូលរក្សាឱ្យបានហ្មត់ចត់នូវភារកិច្ចត្រៀមប្រយុទ្ធ ជាពិសេសក្នុងឱកាសទិវាជ័យជំនះ ៣០ មេសា និងទិវាពលកម្មអន្តរជាតិ ១ ឧសភា  ក្តាប់ឲ្យជាប់នូវស្ថានភាពនៅលើសមុទ្រ និងស្ថានភាពសន្តិសុខក្នុងស្រុក បន្តផ្តល់យោបល់ជូនបក្សនិងរដ្ឋនូវវីធានការក្នុងការដោះស្រាយរាល់បញ្ហាកើតឡើង បន្តកែសំរួលបំពេញបន្ថែមផែនការត្រៀមប្រយុទ្ធ ព្រមទាំងដឹកនាំកម្លាំងការពារព្រំដែន និងយោធភូមិភាគនានាឲ្យធ្វើការត្រួតពិនិត្យការចេញចូលនៅច្រកទ្វារព្រំដែន ច្រករបៀង និងផ្លូវលំនានា ជាពិសេសនៅតំបន់ព្រំដែនភាគនិរតី  ហើយបន្តសំរបសំរួលជាមួយកងកំលាំងនានាដើម្បីតាមដានយ៉ាងដិតដល់នូវការរីករាលដាលនៃ Covid-19 ។

លោកនាយឧត្តមសេនីយ៍ Ngo Xuan Lich  ក៏ស្នើឱ្យកងទ័ពទាំងមូលអនុវត្តយ៉ាងតឹងរឹងនូវភារកិច្ចការពារសន្តិសុខផ្ទៃក្នុង  ធានាបានល្អនូវភ័ស្តុភា សព្វាវុធ និង​ឧបករណ៍បច្ចេកទេសសម្រាប់ការបំពេញភារកិច្ច ជាពិសេសភារកិច្ចហ្វឹកហ្វឺន ការត្រៀមប្រយុទ្ធ និងការការពារអធិបតេយ្យភាពកោះ សមុទ្រជាដើម៕

បកប្រែដោយ Duy Hoan