នាវាសង្គ្រោះរបស់កងទ័ពជើងទឹកសហព័ន្ធរុស្ស៊ីបានមកបំពេញទស្សនកិច្ចនៅកំពង់ផែអន្តរជាតិ Cam Ranh
កប.អនឡាញ - អនុវត្តផែនការសហប្រតិបត្តិការការពារជាតិរវាងវៀតណាម - រុស្ស៊ីក្នុងឆ្នាំ ២០១៩ នាវាសង្គ្រោះ Igor Belousov របស់សហព័ន្ធរុស្ស៊ី អញ្ជើញមកបំពេញទស្សនកិច្ចនៅកំពង់ផែអន្តរជាតិ Cam Ranh នៅខេត្ដ Khanh Hoa ប្រទេសវៀតណាម ពីថ្ងៃទី ២ ដល់ ថ្ងៃទី ៩ ខែធ្នូ នឹងហ្វឹកហាត់រួមគ្នាក្នុងការស្វែងរកនិងជួយសង្គ្រោះនាវាមុជទឹក។
|
|
នាវាសង្គ្រោះ Igor Belousov របស់កងទ័ពជើងទឹកសហព័ន្ធរុស្ស៊ី |
ក្នុងរយៈពេលកន្លងមក កិច្ចសហប្រតិបត្តិការការពារជាតិរវាងវៀតណាម - រុស្ស៊ី ត្រូវបានជំរុញយ៉ាងខ្លាំងក្លា។ ដំណើរទស្សនកិច្ចលើកនេះក្នុងគោលបំណងអនុវត្តខ្លឹមសារនៃកិច្ចព្រមព្រៀងរវាងថ្នាក់ដឹកនាំក្រសួងការពារជាតិនៃប្រទេសទាំងពីរក្នុងឱកាសនៃឆ្នាំមិត្តភាពវៀតណាម - រុស្ស៊ី ២០១៩-២០២០ តាមរយៈនោះ រួមចំណែកបង្កើនទំនាក់ទំនងមិត្តភាពជាប្រពៃណី ភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរនិយាយរួម និងទំនាក់ទំនងសហប្រតិបត្តិការការពារជាតិនិយាយដោយឡែក។
ក្នុងក្របខ័ណ្ឌនៃដំណើរទស្សនកិច្ចនេះ កងទ័ពជើងទឹកវៀតណាមនិងកងទ័ពជើងទឹកសហព័ន្ធរុស្ស៊ីបានសហការគ្នាក្នុងការហ្វឹកហាត់រួមគ្នាក្នុងការស្វែងរកនិងជួយសង្គ្រោះនាវាមុជទឹក។ ក្នុងឱកាសនេះដែរ គណៈប្រតិភូកងទ័ពជើងទឹកសហព័ន្ធរុស្ស៊ី ក៏បានអញ្ជើញទៅទស្សនាតំបន់កេរ្ដិ៍ដំណែលប្រវត្តិសាស្ត្រនិងវប្បធម៌មួយចំនួននៅទីក្រុង Nha Trang ខេត្ដ Khanh Hoa ប្រទេសវៀតណាមដែរ៕
បកប្រែដោយ Pham Diep