ការដាក់គ្រឹះយ៉ាងរឹងមាំ

នេះគឺជាសន្និសីទដ៏សំខាន់មួយដែលដាក់គ្រឹះជាមូលដ្ឋានសម្រាប់អាណត្តិទាំងមូល បន្ទាប់ពីគណៈកម្មាធិការមជ្ឈិមបក្សបានឯកភាពគ្នាកម្រិតខ្ពស់លើរាល់បញ្ហាសំខាន់ៗរបស់បក្ស និងប្រទេស។ ដោយស្មារតីបន្ទាន់ ត្រឹមត្រូវ និងការទទួលខុសត្រូវខ្ពស់បំផុត គណៈកម្មាធិការមជ្ឈិមបក្សបានផ្តោតលើការសម្រេចចិត្តរាល់បញ្ហាដែលមានលក្ខណៈជាមូលដ្ឋាន និងបន្ទាន់ដូចជា៖ កម្មវិធីការងារសម្រាប់អាណត្តិទាំងមូល; បទបញ្ជាការងាររបស់គណៈកម្មាធិការមជ្ឈិមបក្ស ការិយាល័យនយោបាយ និងគណៈលេខាមជ្ឈិមមបក្ស; បទបញ្ជាស្តីពីការអនុវត្តលក្ខន្តិកៈរបស់បក្ស; បទបញ្ជាស្តីពីការត្រួតពិនិត្យ និងវិន័យរបស់បក្ស; បទបញ្ជាការងាររបស់គណៈត្រួតពិនិត្យមជ្ឈិមបក្ស; និងបទបញ្ជាស្តីពីការងារនយោបាយ និងសតិអារម្មណ៍នៅក្នុងបក្ស; បូកសរុបរាល់សេចក្តីសម្រេចសំខាន់ៗស្តីពីការត្រួតពិនិត្យ និងការបង្ការ ការប្រយុទ្ធប្រឆាំងនឹងអំពើពុករលួយ ការខ្ជះខ្ជាយ និងការអនុវត្តអវិជ្ជមាន; ការពិនិត្យឡើងវិញនូវកិច្ចការកម្មាភិបាលសម្រាប់មុខតំណែងជាអ្នកដឹកនាំនៅក្នុងស្ថាប័នរដ្ឋសម្រាប់អាណត្តិឆ្នាំ ២០២៦-២០៣១; បានផ្តល់យោបល់លើផែនការអភិវឌ្ឍន៍សេដ្ឋកិច្ចសង្គមរយៈពេលប្រាំឆ្នាំឆ្នាំ ២០២៦-២០៣១ ផែនការហិរញ្ញវត្ថុជាតិ ផែនការវិនិយោគសាធារណៈរយៈពេលមធ្យមឆ្នាំ ២០២៦-២០៣១ និងបញ្ហាសំខាន់ៗជាច្រើនទៀត។ ប្រការនេះបង្កើតជា "ក្របខ័ណ្ឌ" និង "យន្តការដឹកនាំ" សម្រាប់ប្រព័ន្ធនយោបាយទាំងមូលដើម្បីដំណើរការយ៉ាងរលូន មានប្រសិទ្ធភាពដោយបង្កើតមូលដ្ឋានគ្រឹះសម្រាប់ការអភិវឌ្ឍជាតិកាន់តែលឿន និងប្រកបដោយចីរភាព។

ទិដ្ឋភាពនៃកិច្ចប្រជុំលើកទី ២ នៃគណៈកម្មាធិការមជ្ឈិមបក្ស នៃមហាសន្និបាតលើកទី ១៤ របស់បក្ស

នៅក្នុងសុន្ទរកថាបិទ លោក To Lam អគ្គលេខាបក្ស បានសង្កត់ធ្ងន់លើទិសដៅណែនាំសំខាន់ៗ ដែលតម្រូវឱ្យបក្សទាំងមូលប្រែការដឹកនាំនេះទៅជាជំហានៗជាក់ស្តែង ម៉ឺងម៉ាត់ និងមានប្រសិទ្ធភាព។ ពីភាពជោគជ័យនៃកិច្ចប្រជុំលើកនេះ សារដ៏រឹងមាំមួយត្រូវបានបញ្ជាក់ និងរីកសាយភាយ៖ ដើម្បីសម្រេចបាននូវការអភិវឌ្ឍយ៉ាងឆាប់រហ័ស និងប្រកបដោយចីរភាព បក្សត្រូវតែស្អាតស្អំ និងរឹងមាំជាមុនសិន។ អង្គការចាត់តាំងត្រូវតែមានភាពបង្រួម តឹងរ៉ឹង វិន័យ ប្រសិទ្ធភាព ហើយសកម្មភាពត្រូវតែម៉ឺងម៉ាត់។ មិនត្រូវមានភាពស្ទាក់ស្ទើរក្នុងការងារ មិនត្រូវរងសម្ពាធពីការរង្គោះរង្គើ និងមិនស្កប់ស្កល់នឹងលទ្ធផលដែលសម្រេចបានឡើយ។

ស្របតាមស្មារតីនេះ គណៈកម្មាធិការបក្សកងទ័ព និងកងទ័ពទាំងមូលត្រូវតែដឹកនាំ និងធ្វើជាគំរូក្នុងការអនុវត្តសេចក្តីសម្រេចនៃកិច្ចប្រជុំគណៈកម្មាធិការមជ្ឈិមបក្សលើកទី២។ បន្តកសាងកងទ័ពបដិវត្តន៍ កងទ័ពរៀបរយ កងទ័ពចំណាន និងកងទ័ពទំនើប និងប្រកាន់យកកម្លាំងនយោបាយជាមូលដ្ឋានសម្រាប់កែលម្អគុណភាពទូទៅ និងកម្លាំងប្រយុទ្ធ។ កងទ័ពទាំងមូលត្រូវតែរក្សាការតាំងចិត្ត និងភក្ដីភាពដាច់ខាតចំពោះបក្ស មាតុភូមិ និងប្រជាជន ត្រូវតែមានភាពសកម្ម ជៀសវាងភាពអសកម្ម និងការភ្ញាក់ផ្អើល។ ហើយត្រូវតែត្រៀមខ្លួនទទួលយក និងបំពេញភារកិច្ចទាំងអស់យ៉ាងល្អឥតខ្ចោះ ដោយរួមចំណែកដល់ការរក្សាបរិយាកាសសន្តិភាព និងស្ថិរភាព បង្កើតលក្ខខណ្ឌអំណោយផលសម្រាប់ការអភិវឌ្ឍប្រទេស។

ដោយជឿជាក់លើការដឹកនាំដ៏ឈ្លាសវៃរបស់បក្ស និងអនុវត្តសេចក្តីសម្រេចនៃកិច្ចប្រជុំគណៈកម្មាធិការមជ្ឈិមបក្សលើកទី ២ យ៉ាងហ្មត់ចត់ម៉ឺងម៉ាត់ គ្រប់កម្មាភិបាល សមាជិកបក្ស និងប្រជាពលរដ្ឋទាំងអស់ គួរតែប្រែក្លាយការតាំងចិត្តនយោបាយទៅជាសកម្មភាពជាក់ស្តែង។ រួបរួមគ្នាជាកម្លាំងតែមួយ ធ្វើការជាមួយគ្នា ប្រឡងប្រណាំងក្នុងសកម្មភាព និងរួមចំណែកដល់គោលដៅរួម។ នេះគឺជាកម្លាំងដែលនឹងអាចជួយឱ្យប្រទេសយើងទម្លុះ និងឈានទៅមុខជាលំដាប់ទៅក្នុងយុគសម័យថ្មីនៃការអភិវឌ្ឍ - យុគសម័យនៃវិបុលភាព និងសុភមង្គល៕

បកប្រែដោយ Minh Trung