ពិធីសំណេះសំណាលរំលឹកខួបលើកទី ៥១ នៃការរំដោះភាគខាងត្បូងវៀតណាម

នៅថ្ងៃទី ១៩ ខែមេសា នៅខេត្តដុងថាប លោកនាយឧត្តមសេនីយ៍ Nguyen Trong Nghia សមាជិកការិយាល័យនយោបាយ លេខាមជ្ឈិមបក្ស និងជាប្រធានអគ្គស្នងការដ្ឋាននយោបាយនៃកងទ័ពប្រជាជនវៀតណាម បានអញ្ជើញចូលរួម និងថ្លែងសុន្ទរកថានៅក្នុងពិធីសំណេះសំណាលរំលឹកខួបលើកទី ៥១ នៃការរំដោះភាគខាងត្បូងវៀតណាម និងការបង្រួបបង្រួមប្រទេស (ថ្ងៃទី ៣០ ខែមេសា ឆ្នាំ ១៩៧៥ - ថ្ងៃទី ៣០ ខែមេសា ឆ្នាំ ២០២៦) និងខួបលើកទី ៤៧ នៃការបង្កើតកងវរសេនាតូច Ap Bac II និងកងវរសេនាតូច Dong Thap (ថ្ងៃទី ៣០ ខែមេសា ឆ្នាំ ១៩៧៩ - ថ្ងៃទី ៣០ ខែមេសា ឆ្នាំ ២០២៦)។

លោកនាយឧត្តមសេនីយ៍ Nguyen Trong Nghia មានប្រសាសន៍ក្នុងពិធី

មានប្រសាសន៍នៅក្នុងពិធីសំណេះសំណាល លោកនាយឧត្តមសេនីយ៍ Nguyen Trong Nghia បានសង្កត់ធ្ងន់ថា ពិធីនេះមិនត្រឹមតែដើម្បីយើងគោរពតំលៃប្រវត្តិសាស្ត្រ និងមានមោទនភាពចំពោះអតីតកាលដ៏រុងរឿងប៉ុណ្ណោះទេ ប៉ុន្តែថែមទាំងដើម្បីបញ្ជាក់ជាថ្មីនូវការទទួលខុសត្រូវរបស់យើងចំពោះបច្ចុប្បន្នកាល និងមានទំនុកចិត្តលើអនាគត ជាពិសេសដើម្បីរំលឹកមនុស្សម្នាក់ៗឲ្យកាន់តែស្រឡាញ់តម្លៃនៃសន្តិភាព ឯករាជ្យភាព សេរីភាព និងឯកភាព ដែលមនុស្សជំនាន់មុនៗបានលះបង់យ៉ាងច្រើនដើម្បីដណ្តើមយកបាន។

លោកនាយឧត្តមសេនីយ៍ Nguyen Trong Nghia និងប្រតិភូ

លោកនាយឧត្តមសេនីយ៍ Nguyen Trong Nghia បានសម្តែងការជឿជាក់ថា យុវជនសព្វថ្ងៃនេះនឹងបន្តសិក្សា ហ្វឹកហាត់ និងរស់នៅមានឧត្តមគតិ មានភាពក្លាហាន ពឹងផ្អែកលើខ្លួនឯង ជាអ្នកត្រួសត្រាយផ្លូវ មានភាពច្នៃប្រឌិត ហ៊ានលះបង់ ត្រៀមខ្លួនជាស្រេចចូលរួមចំណែកដល់ការអភិវឌ្ឍដ៏រុងរឿងនៃមាតុភូមិ។

ក្នុងឱកាសនេះ លោកនាយឧត្តមសេនីយ៍ Nguyen Trong Nghia ប្រគល់អំណោយចំនួន ៦០ ដល់យុវជន និងសិស្សានុសិស្សក្នុងស្ថានភាពលំបាក។ អង្គស្នងការដ្ឋាននយោបាយនៃកងទ័ពប្រជាជនវៀតណាម បានប្រគល់ផ្ទះ ចំនួន ៥ ដល់អតីតយុទ្ធជន និងគ្រួសារដែលមានជីវភាពជួបការលំបាក៕

បកប្រែដោយ Duy Hoan