ក្នុងជំនួប លោក Nguyen Hoa Binh បានវាយតម្លៃខ្ពស់ចំពោះការរួមចំណែកដ៏សំខាន់របស់លោក Lee Kuan Yew អតីតនាយករដ្ឋមន្ត្រី និងលោក Lee Hsien Loong ក្នុងរយៈពេលប៉ុន្មានឆ្នាំកន្លងមកនេះ ក្នុងការជម្រុញឲ្យទំនាក់ទំនងទ្វេភាគីកាន់តែស៊ីជម្រៅ ក៏ដូចជាការអភិវឌ្ឍសេដ្ឋកិច្ចរបស់វៀតណាម រួមទាំងការអភិវឌ្ឍដ៏រឹងមាំនៃបណ្តាញសួនឧស្សាហកម្មវៀតណាម-សិង្ហបុរី (VSIP)។

leftcenterrightdel
លោក Nguyen Hoa Binh ជួបជាមួយលោក Lee Hsien Loong (រូបថត៖ chinhphu.vn)

លោក Lee Hsien Loong បានសម្តែងការរីករាយចំពោះការវិវឌ្ឍវិជ្ជមាន និងជាក់ស្តែងនៃទំនាក់ទំនងទ្វេភាគីនាពេលកន្លងមកនេះ ជាពិសេសការអភិវឌ្ឍ VSIP ចំនួន ២១ នៅក្នុងខេត្ត និងក្រុងចំនួន ១៤ និងបំណងប្រាថ្នារបស់ថ្នាក់ដឹកនាំជាន់ខ្ពស់នៃភាគីទាំងពីរស្ដីពីការបង្កើត VSIP ចំនួន ៣០ នៅឆ្នាំ២០៣០។

ទាក់ទងនឹងកិច្ចសហប្រតិបត្តិការហិរញ្ញវត្ថុ លោក Lee Hsien Loong បានអបអរសាទរវៀតណាមចំពោះការបង្កើតមជ្ឈមណ្ឌលហិរញ្ញវត្ថុអន្តរជាតិនាពេលថ្មីៗនេះ ដែលបង្ហាញពីចក្ខុវិស័យ និងការប្តេជ្ញាចិត្តអភិវឌ្ឍរបស់វៀតណាមក្នុងដំណាក់កាលថ្មី។ លោក Lee Hsien Loong បានចែករំលែកបទពិសោធន៍របស់សិង្ហបុរីក្នុងការអភិវឌ្ឍមជ្ឈមណ្ឌលហិរញ្ញវត្ថុអន្តរជាតិ និងផ្តល់យោបល់ជាយុទ្ធសាស្ត្រដល់វៀតណាមស្ដីពីការអភិវឌ្ឍ និងដំណើរការមជ្ឈមណ្ឌលនេះ ដោយបញ្ជាក់ពីការត្រៀមខ្លួនជាស្រេចរបស់រដ្ឋាភិបាលសិង្ហបុរីក្នុងការផ្លាស់ប្តូរ ជួយគាំទ្រវៀតណាម និងបង្កើនការតភ្ជាប់រវាងមជ្ឈមណ្ឌលហិរញ្ញវត្ថុអន្តរជាតិសិង្ហបុរី និងវៀតណាម។

លោក Nguyen Hoa Binh បានសម្តែងក្តីសង្ឃឹមថា លោក Lee Hsien Loong នឹងបន្តយកចិត្តទុកដាក់ និងជួយគាំទ្រជម្រុញទំនាក់ទំនងទ្វេភាគីឲ្យកាន់តែរឹងមាំ និងមានប្រសិទ្ធភាពជាងមុន ក៏ដូចជាផ្តល់យោបល់ និងចែករំលែកបទពិសោធន៍ស្ដីពីការអភិវឌ្ឍមជ្ឈមណ្ឌលហិរញ្ញវត្ថុ ជម្រុញកិច្ចសហប្រតិបត្តិការ និងតភ្ជាប់មជ្ឈមណ្ឌលហិរញ្ញវត្ថុអន្តរជាតិនៃប្រទេសទាំងពីរ៕

បកប្រែដោយ Thuy Anh