អាណិកជនវៀតណាមនៅសហរដ្ឋអាមេរិកមានការចាប់អារម្មណ៍យ៉ាងខ្លាំងចំពោះការអភិវឌ្ឍរបស់វៀតណាមក្រោមការដឹកនាំរបស់បក្ស

យោងតាមលោកមេធាវី Dang Chien Thang កត្តាសំខាន់បំផុត របស់វៀតណាមគឺការរក្សាស្ថិរភាពនយោបាយ ដោយបង្កើតមូលដ្ឋានគ្រឹះរឹងមាំសម្រាប់ការអភិវឌ្ឍសេដ្ឋកិច្ច និងសង្គម។ លោកជឿជាក់ថា សេដ្ឋកិច្ចវៀតណាមបន្តរីកចម្រើនជាវិជ្ជមាន ជីវភាពរស់នៅរបស់ប្រជាជនត្រូវបានលើកកម្ពស់កាន់តែប្រសើរឡើង ហើយតម្លៃវប្បធម៌ជាតិត្រូវបានថែរក្សា និងលើកកម្ពស់។

លោកមេធាវី Dang Chien Thang អាណិកជនវៀតណាមនៅរដ្ឋ Maryland សហរដ្ឋអាមេរិក (រូបថត៖ vov.vn)

ស្តីអំពីកំណែទម្រង់នាពេលថ្មីៗ នេះ លោកមេធាវី Dang Chien Thang បានសង្កត់ធ្ងន់ថា គោលនយោបាយរៀបចំក្បាលម៉ាស៊ីនរដ្ឋបាលឡើងវិញ ជាពិសេសការរួមបញ្ចូលអង្គភាពរដ្ឋបាល និងការលុបបំបាត់កម្រិតមធ្យមនៃការគ្រប់គ្រងរដ្ឋ គឺជាការសម្រេចចិត្តដ៏សំខាន់ និងមានសារៈសំខាន់ជាយុទ្ធសាស្ត្រ។ លោក Dang Chien Thang បន្តថា "នេះគឺជាកិច្ចការដ៏សំខាន់ និងមានអត្ថន័យខ្លាំង។ ទោះបីជាអ្នកខ្លះអាចមានមតិផ្ទុយពីទស្សនៈផ្ទាល់ខ្លួនរបស់ខ្ញុំក៏ដោយ ក៏ខ្ញុំជឿជាក់ថា តាមរយៈការរួមបញ្ចូលគ្នា និងការកាត់បន្ថយក្បាលម៉ាស៊ីនរដ្ឋបាល យើងបានពង្រឹងប្រសិទ្ធភាពសេដ្ឋកិច្ច-សង្គម ដើម្បីផ្តោតលើការអភិវឌ្ឍសេដ្ឋកិច្ច។ លើសពីនេះ យើងកំពុងនាំក្បាលម៉ាស៊ីនរដ្ឋបាលសាធារណៈឱ្យកាន់តែខិតជិតប្រជាជន"៕

បកប្រែដោយ Huyen Trang