នាយករដ្ឋមន្ត្រីវៀតណាមស្នើឱ្យពន្លឿនគម្រោងវិនិយោគសំណង់ដើម្បីស្វាគមន៍មហាសន្និបាតបក្សទូទាំងប្រទេសលើកទី១៤

លោក Pham Minh Chinh នាយករដ្ឋមន្ត្រី និងប្រតិភូនានា ប្រារព្ធពិធីសម្ពោធផ្លាកសញ្ញាសំណង់ស្វាគមន៍មហាសន្និបាតទូទាំងប្រទេសលើកទី១៤ របស់បក្ស

សារទូរលេខនេះបានលើកច្បាស់ថា៖ ក្នុងឆ្នាំ២០២៥ ក្រសួង ស្ថាប័ន និងមូលដ្ឋាននានា បានរៀបចំប្រកបដោយជោគជ័យនូវពិធីចំនួន ៣ ដើម្បីបើកសម្ពោធ បើកការដ្ឋានសាងសង់ និងបើកឲ្យដំណើរការបច្ចេកទេសសម្រាប់គម្រោងសំណង់សំខាន់ៗក្នុងការអភិវឌ្ឍហេដ្ឋារចនាសម្ព័ន្ធសេដ្ឋកិច្ចសង្គមជាតិ ដើម្បីរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមប្រទេសជាតិ; ខួបលើកទី៨០ នៃបដិវត្តន៍ខែសីហាប្រកបដោយជោគជ័យ និងទិវាបុណ្យឯករាជ្យជាតិថ្ងៃទី២ ខែកញ្ញា; ស្វាគមន៍មហាសន្និបាតទូទាំងប្រទេសលើកទី១៤ របស់បក្ស និងរំលឹកខួបលើកទី៧៩ នៃទិវាប្រទេសជាតិទាំងមូលធ្វើការតស៊ូ ជាមួយនឹងសំណង់និងគម្រោងសរុបចំនួន ៥៦៤ នៅតាមខេត្ត ក្រុងចំនួន ៣៤។ សំណង់និងគម្រោង ដែលបានបើកការដ្ឋានសាងសង់ និងបើកសម្ពោធក្នុងរយៈពេលកន្លងមកនេះ បានរួមចំណែកជំរុញការអភិវឌ្ឍសេដ្ឋកិច្ច-សង្គម ដោយបញ្ជាក់ពីការប្តេជ្ញាចិត្តរបស់បក្ស រដ្ឋ និងប្រជាជនក្នុងការកសាងមាតុភូមិវៀតណាមដ៏ខ្លាំងមាំមួន អរិយធម៌ វិបុលភាព និងរីកចម្រើន។

លោកនាយករដ្ឋមន្ត្រីបានស្នើឱ្យបណ្ដារដ្ឋមន្ត្រី ប្រធានស្ថាប័នកម្រិតក្រសួង ស្ថាប័ននៃរដ្ឋាភិបាល និងប្រធានគណៈកម្មាធិការប្រជាជនខេត្ត ទីក្រុងក្រោមឱវាទមជ្ឈិម ដឹកនាំអ្នកវិនិយោគ ក្រុមប្រឹក្សាគ្រប់គ្រងគម្រោង អ្នកម៉ៅការ និងអង្គភាពពាក់ព័ន្ធ បន្តបង្កើនស្មារតីទទួលខុសត្រូវ ខិតខំប្រឹងប្រែងបន្ថែមទៀត និងប្តេជ្ញាចិត្តបន្ថែមទៀត ដើម្បីសម្រេចនិងដាក់ឱ្យដំណើរការគម្រោងនានាឱ្យបានឆាប់បំផុតតាមដែលអាចធ្វើទៅបាន៕

បកប្រែដោយ Huyen Trang