លោក Tran Thanh Man ប្រធានរដ្ឋសភាវៀតណាម បានថ្លែងនៅក្នុងកិច្ចពិភាក្សាទូទៅនៃមហាសន្និបាតលើកទី១៥២ នៃសហភាពអន្តរសភា (IPU-152) ដែលបានធ្វើឡើងកាលពីថ្ងៃទី១៦ ខែមេសា នៅទីក្រុងអ៊ីស្តង់ប៊ុល ប្រទេសទួរគី។

leftcenterrightdel
លោក Tran Thanh Man ប្រធានរដ្ឋសភា វៀតណាមបានថ្លែងនៅក្នុងកិច្ចពិភាក្សាទូទៅនៃមហាសន្និបាតលើកទី១៥២ នៃសហភាពអន្តរសភា (IPU-152)

នៅក្នុងសុន្ទរកថារបស់លោក Tran Thanh Man ប្រធានរដ្ឋសភាវៀតណាម បានវាយតម្លៃខ្ពស់ចំពោះប្រធានបទ IPU ឆ្នាំនេះ គឺ «ការលើកកម្ពស់ក្តីសង្ឃឹម ការធានាសន្តិភាព និងការរក្សាយុត្តិធម៌សម្រាប់មនុស្សជំនាន់ក្រោយ» ដោយបញ្ជាក់ថា សារនេះ ទាំងទាន់ពេលវេលាផង និងបន្ទាន់ចាំបាច់សម្រាប់ប្រទេសទាំងអស់ផង។ លោក Tran Thanh Man ប្រធានរដ្ឋសភា បានមានប្រសាសន៍ថា វៀតណាមកំពុងខិតខំប្រឹងប្រែង និងប្តេជ្ញាចិត្តក្នុងការចូលដល់ដំណាក់កាលអភិវឌ្ឍន៍ថ្មីមួយដោយមានទំនុកចិត្ត និងពឹងផ្អែកលើខ្លួនឯង ដោយមានគោលបំណងក្លាយជាប្រទេសកំពុងអភិវឌ្ឍន៍ដែលមានឧស្សាហកម្មទំនើប និងមានប្រាក់ចំណូលមធ្យមខ្ពស់នៅឆ្នាំ ២០៣០ និងជាប្រទេសអភិវឌ្ឍន៍ដែលមានប្រាក់ចំណូលខ្ពស់នៅឆ្នាំ ២០៤៥។

វៀតណាមកំពុងអនុវត្តគំរូកំណើនថ្មីមួយ ដោយប្រើប្រាស់វិទ្យាសាស្ត្រ និងបច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាកម្លាំងចលករ ខណៈពេលដែលធានានូវសមធម៌សង្គម និងការការពារបរិស្ថានប្រកបដោយចីរភាព ដើម្បីឱ្យប្រជាជនអាចទទួលបានផ្លែផ្កានៃការអភិវឌ្ឍ។ ជាមួយនឹងគោលនយោបាយការបរទេសឯករាជ្យ ស្វ័យភាព ខ្លួនទីពឹងខ្លួន សន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍ វៀតណាមបាន កំពុង នឹងបន្តចូលរួមយ៉ាងសកម្ម និងមានការទទួលខុសត្រូវជាមួយមិត្តភក្តិ និងដៃគូរបស់ខ្លួនក្នុងការដោះស្រាយបញ្ហាក្នុងតំបន់ និងអន្តរជាតិរួម។

leftcenterrightdel
លោក Tran Thanh Man ប្រធានរដ្ឋសភា វៀតណាមជួបជាមួយប្រតិភូនៅខាងក្រៅសន្និសីទ

ដើម្បីជម្នះបញ្ហាប្រឈមរួមជាមួយគ្នា លោក Tran Thanh Man ប្រធានរដ្ឋសភា បានស្នើថា IPU និងសភាសមាជិករបស់ខ្លួនគួរតែបន្តធ្វើការរួមគ្នាដើម្បីលើកកម្ពស់កិច្ចសហប្រតិបត្តិការ និងសាមគ្គីភាពអន្តរជាតិ ពង្រឹងការគោរព និងគាំទ្រគំនិតផ្តួចផ្តើមជាតិសម្រាប់សន្តិភាព និងការអភិវឌ្ឍ។ លោក Tran Thanh Man ប្រធានរដ្ឋសភា បានស្នើថា៖ ពង្រឹងការទូតសភា លើកកម្ពស់ការសន្ទនា កសាងទំនុកចិត្ត និងមិត្តភាពរវាងប្រជាជាតិទាំងអស់ ទប់ស្កាត់ និងដោះស្រាយមូលហេតុចម្បងនៃជម្លោះ និងគោរពគោលការណ៍ជាមូលដ្ឋាននៃច្បាប់អន្តរជាតិ និងធម្មនុញ្ញអង្គការសហប្រជាជាតិ។ ក្នុងស្មារតីនោះ រួមជាមួយសមាជិក IPU យើងសូមអំពាវនាវជាបន្ទាន់ដល់គ្រប់ភាគីពាក់ព័ន្ធទាំងអស់ឱ្យអនុវត្តបទឈប់បាញ់ បន្តការចរចាសន្តិភាព និងស្វែងរកដំណោះស្រាយសមស្រប និងប្រកបដោយចីរភាពចំពោះរាល់ជម្លោះបច្ចុប្បន្ន ពង្រីកតួនាទីនាំមុខគេរបស់សភាក្នុងការបង្កើតក្របខ័ណ្ឌច្បាប់ និងឱ្យមានលក្ខណៈក្នុងស្រុកនៃការសន្យាអន្តរជាតិ ជាពិសេសលើសន្តិភាព សន្តិសុខ ការអភិវឌ្ឍប្រកបដោយចីរភាព ការឆ្លើយតបទៅនឹងការប្រែប្រួលអាកាសធាតុ និងការមិនរីកសាយភាយអាវុធប្រល័យលោក និងអនុវត្តការត្រួតពិនិត្យលើការអនុវត្តការសន្យាអន្តរជាតិ។

លោក Tran Thanh Man ប្រធានរដ្ឋសភា បានសម្តែងជំនឿថា ស្មារតីសាមគ្គីភាព ការចែករំលែក និងកិច្ចសហប្រតិបត្តិការនឹងជួយប្រជាជាតិឱ្យយកឈ្នះលើបញ្ហាប្រឈមរួមគ្នា ដើម្បីកសាងអនាគតដ៏ភ្លឺស្វាងសម្រាប់មនុស្សជំនាន់ក្រោយ៕

បកប្រែដោយ Duy Hoan