បង្កើតលក្ខខណ្ឌអំណោយផលសម្រាប់អាជីវកម្មអាមេរិកពង្រីកការវិនិយោគនៅវៀតណាម

នៅក្នុងកិច្ចពិភាក្សាការងារ លោក Le Minh Hung នាយករដ្ឋមន្ត្រីបានបញ្ជាក់ថា វៀតណាមកំពុងពន្លឿនដំណើរការកែទម្រង់ ក្របខ័ណ្ឌច្បាប់ ស្ថាប័ន និងកែលម្អបរិយាកាសវិនិយោគ និងធ្វើអាជីវកម្មឱ្យកាន់តែបើកចំហ តម្លាភាព និងមានប្រសិទ្ធភាព ធ្វើវិសោធនកម្មច្បាប់ ផែនការ និងបទប្បញ្ញត្តិ ដើម្បីកៀរគរធនធានសម្រាប់ការអភិវឌ្ឍ រួមទាំងដើមទុនពីវិនិយោគិន។

លោក Le Minh Hung នាយករដ្ឋមន្ត្រីវៀតណាម និងគណៈប្រតិភូថ្នាក់ដឹកនាំនៃអាជីវកម្មឈានមុខគេចំនួន ៥២ របស់សហរដ្ឋអាមេរិក (រូបថត៖ vnanet.vn)

នៅក្នុងដំណើរការនេះ វៀតណាមបើកចំហចំពោះការស្តាប់យោបល់របស់សហគមន៍អាជីវកម្ម រួមទាំងអាជីវកម្មអាមេរិកផងដែរ។ លោកនាយករដ្ឋមន្ត្រីបានស្នើឱ្យក្រុមប្រឹក្សាធុរកិច្ចអាមេរិក-អាស៊ាន និងអាជីវកម្មអាមេរិកបន្តពង្រីកតួនាទី និងឥទ្ធិពលរបស់ខ្លួន ដើម្បបញ្ជូនសារអំពីសុច្ឆន្ទៈ និងកិច្ចខិតខំប្រឹងប្រែងសហប្រតិបត្តិការរបស់វៀតណាម ហើយមានសំឡេងបរានុម័តដែលឆ្លុះបញ្ចាំងការពិតនៃសេដ្ឋកិច្ចវៀតណាម និងជួយសម្រេចបានកិច្ចព្រមព្រៀងពាណិជ្ជកម្មបដិការ យុត្តិធម៌ និងមានតុល្យភាពរវាងប្រទេសទាំងពីរ។ លោកនាយករដ្ឋមន្ត្រីក៏បានស្នើឱ្យភាគីសហរដ្ឋអាមេរិកពិចារណាលើការទទួលស្គាល់ខឿនសេដ្ឋកិច្ចទីផ្សារពេញលេញរបស់វៀតណាម និងដកវៀតណាមចេញពីបញ្ជីប្រទេសដែលទទួលរងការរឹតបន្តឹងការនាំចេញ (D1-D3)។

លោក Le Minh Hung នាយករដ្ឋមន្ត្រី ក៏បានសង្កត់ធ្ងន់ផងដែរថា រដ្ឋាភិបាលវៀតណាមគាំទ្រ និងស្វាគមន៍សាជីវកម្ម និងអាជីវកម្មថាមពលឈានមុខគេរបស់សហរដ្ឋអាមេរិកឱ្យវិនិយោគនៅវៀតណាម ហើយត្រៀមខ្លួនជាស្រេចបង្កើតលក្ខខណ្ឌអំណោយផលសម្រាប់អាជីវកម្មទូរគមនាគមន៍អាមេរិកដែលមានសមត្ថភាពក្នុងការចូលទៅកាន់ទីផ្សារសម្រាប់ការស្រាវជ្រាវវិនិយោគ ផ្ទេរបច្ចេកវិទ្យា និងអភិវឌ្ឍហេដ្ឋារចនាសម្ព័ន្ធទូរគមនាគមន៍ 5G និងខ្សែកាបអុបទិកក្នុងសមុទ្រនៅវៀតណាម ដោយធានាសន្តិសុខជាតិ និងគោរពក្របខ័ណ្ឌច្បាប់របស់វៀតណាម៕

បកប្រែដោយ Huyen Trang