នាយករដ្ឋមន្ត្រីម៉ាឡេស៊ីទទួលស្វាគមន៍លោក Pham Minh Chinh នាយករដ្ឋមន្ត្រីវៀតណាម និងប្រធានគណៈប្រតិភូដែលចូលរួមកិច្ចប្រជុំកំពូលអាស៊ានលើកទី ៤៧

លោក Anwar Ibrahim នាយករដ្ឋមន្ត្រីម៉ាឡេស៊ី បានស្វាគមន៍ថ្នាក់ដឹកនាំប្រទេសអាស៊ាន និងបណ្តាប្រទេស អង្គការជាដៃគូរបស់អាស៊ាន រួមមាន៖ ព្រះមហាក្សត្រប្រ៊ុយណេ; ប្រធានាធិបតីនៃប្រទេសឥណ្ឌូនេស៊ី ហ្វីលីពីន ទីម័រខាងកើត ប្រេស៊ីល អាហ្វ្រិកខាងត្បូង; នាយករដ្ឋមន្ត្រីនៃប្រទេសថៃ សិង្ហបុរី កម្ពុជា ឡាវ វៀតណាម កាណាដា; ប្រធានក្រុមប្រឹក្សាអឺរ៉ុប អគ្គលេខាធិការអង្គការសហប្រជាជាតិ។

លោក Anwar Ibrahim នាយករដ្ឋមន្ត្រីម៉ាឡេស៊ី ប្រធានអាស៊ានឆ្នាំ ២០២៥ ទទួលស្វាគមន៍លោក Pham Minh Chinh នាយករដ្ឋមន្ត្រីវៀតណាម ដែលអញ្ជើញចូលរួមកិច្ចប្រជុំកំពូលអាស៊ានលើកទី៤៧ និងកិច្ចប្រជុំកំពូលពាក់ព័ន្ធ  (រូបថត៖ vnanet.vn)

កិច្ចប្រជុំកំពូលអាស៊ានលើកទី៤៧ ដែលប្រព្រឹត្តទៅចាប់ពីថ្ងៃទី ២៦ ដល់ថ្ងៃទី២៨ ខែតុលា រួមមានកិច្ចប្រជុំជិត ២០ និងសកម្មភាពជាន់ខ្ពស់។ តាមគម្រោង ថ្នាក់ដឹកនាំទាំងឡាយនឹងចុះហត្ថលេខា អនុម័ត និងទទួលស្គាល់ឯកសារជិត ៨០ ច្បាប់ ដើម្បីជំរុញកិច្ចសហប្រតិបត្តិការអាស៊ាន  និងរវាងអាស៊ាន ជាមួយដៃគូលើវិស័យអាទិភាពជាច្រើន ជាពិសេសសេដ្ឋកិច្ច និងពាណិជ្ជកម្ម៕

បកប្រែដោយ Thanh Cong