អនុសញ្ញាទីក្រុងហាណូយបង្ហាញពីតួនាទីសកម្ម និងស្មារតីទំនួលខុសត្រូវរបស់វៀតណាមក្នុងវិស័យសន្តិសុខតាមអ៊ីនធឺណិត

អាស្រ័យហេតុនេះ វៀតណាមមិនត្រឹមតែលើកកំពស់កិត្យានុភាព និងឋានៈរបស់ខ្លួននៅលើឆាកអន្តរជាតិប៉ុណ្ណោះទេ ថែមទាំងរួមចំណែកជាក់ស្តែងក្នុងការកសាងក្របខ័ណ្ឌច្បាប់សកល ជំរុញកិច្ចសហប្រតិបត្តិការលើការចែករំលែកព័ត៌មាន និងការបង្រ្កាបឧក្រិដ្ឋកម្មឆ្លងដែន។

ទិដ្ឋភាពនៃសន្និសីទកាសែតអន្តរជាតិស្តីពីពិធីចុះហត្ថលេខាលើអនុសញ្ញាអង្គការសហប្រជាជាតិស្តីពីការប្រយុទ្ធប្រឆាំងនឹងឧក្រិដ្ឋកម្មតាមអ៊ីនធឺណិត (រូបថត៖ nhandan.vn)

ការវាយតម្លៃនេះធ្វើឡើងដោយលោកបណ្ឌិត Vu Viet Anh អ្នកស្រាវជ្រាវនៅមជ្ឈមណ្ឌលលើឧក្រិដ្ឋកម្មតាមអ៊ីនធឺណិត សាកលវិទ្យាល័យ Cambridge (អង់គ្លេស) ក្នុងបទសម្ភាសន៍ជាមួយអ្នកយកព័ត៌មានពីទីភ្នាក់ងារសារព័ត៌មានវៀតណាមប្រចាំអង់គ្លេស។ យោងតាមលោកបណ្ឌិត Vu Viet Anh ការជ្រើសរើសរបស់អង្គការសហប្រជាជាតិ យកទីក្រុងហាណូយជាទីកន្លែងសម្រាប់ពិធីចុះហត្ថលេខានេះ បង្ហាញពីទំនុកចិត្ត របស់សហគមន៍អន្តរជាតិ និងការទទួលស្គាល់ចំពោះការខិតខំប្រឹងប្រែង និងកិត្យានុភាពរបស់វៀតណាម។ ការចេញផ្សាយច្បាប់សន្តិសុខតាមអ៊ីនធឺណិតដែលចូលជាធរមានក្នុងខែមករា ឆ្នាំ ២០១៩ គឺជាការបង្ហាញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់វៀតណាមចំពោះកិច្ចសហប្រតិបត្តិការជាសកល៕

បកប្រែដោយ Huyen Trang