វៀតណាមខិតខំប្រឹងប្រែងសម្រេចឲ្យបាននូវកំណើនសេដ្ឋកិច្ច ៨.៣-៨.៥% នៅឆ្នាំនេះ

ក្នុងសុន្ទរកថាបើក លោក Pham Minh Chinh នាយករដ្ឋមន្ត្រី បានឲ្យដឹងថា ស្ថានភាពសេដ្ឋកិច្ចសង្គមក្នុងរយៈពេល ៩ ខែដើមឆ្នាំ ២០២៥ មានភាពល្អប្រសើរជាង បើធៀបនឹងរយៈពេលដូចគ្នាកាលពីឆ្នាំមុន៖ ម៉ាក្រូសេដ្ឋកិច្ចមានស្ថិរភាព អតិផរណាត្រូវបានគ្រប់គ្រង តុល្យភាពសំខាន់ៗត្រូវបានធានា កំណើនត្រូវបានជំរុញយ៉ាងខ្លាំង។ វិស័យសង្គម-វប្បធម៌ និងសុខុមាលភាពសង្គម ក៏ដូចជាជីវភាពរស់នៅរបស់ប្រជាជនសុទ្ធតែបានប្រសើរឡើង។ វិស័យនយោបាយ សង្គម មានស្ថិរភាព សន្តិសុខ និងការពារជាតិត្រូវបានពង្រឹង ហើយកិច្ចការបរទេស និងសមាហរណកម្មអន្តរជាតិត្រូវបានជម្រុញ។

ទិដ្ឋភាពនៃកិច្ចប្រជុំ (រូបថត៖ vov.vn)

លោកនាយករដ្ឋមន្ត្រីបានគូសបញ្ជាក់ថា ដោយសារមានដែនកំណត់ ការលំបាក និងបញ្ហាប្រឈមជាច្រើន វៀតណាមនៅតែកំណត់ទិសដៅកំណើនពី ៨.៣-៨.៥% នៅឆ្នាំនេះ ដើម្បីបង្កើតសន្ទុះ និងកម្លាំងចលករសម្រាប់អាណត្តិថ្មី យុគសម័យថ្មី។ លោកនាយករដ្ឋមន្ត្រីបានសង្កត់ធ្ងន់លើការគ្រប់គ្រងអតិផរណា ស្ថិរភាពម៉ាក្រូសេដ្ឋកិច្ច និងធានាតុល្យភាពនៃសេដ្ឋកិច្ច និងការអភិវឌ្ឍក្នុងវិស័យវប្បធម៌ សង្គម បរិស្ថាន ការពារជាតិ សន្តិសុខ កិច្ចការបរទេស។ល៕

បកប្រែដោយ Thuy Anh