ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅម៉ាឡេស៊ី នាព្រឹកថ្ងៃទី១៨ ខែកញ្ញា នៅរដ្ឋធានី Kuala Lumpur លោក Tran Thanh Man ប្រធានរដ្ឋសភាវៀតណាម បានជួបពិភាក្សាការងារជាមួយ លោក Anwar Ibrahim នាយករដ្ឋមន្ត្រីម៉ាឡេស៊ី ។

leftcenterrightdel
លោក Tran Thanh Man ប្រធានរដ្ឋសភាវៀតណាម និងលោក Anwar Ibrahim នាយករដ្ឋមន្ត្រីម៉ាឡេស៊ី

នៅក្នុងជំនួបនេះ មេដឹកនាំទាំងពីរបានពិភាក្សាអំពីវិធានការជំរុញទំនាក់ទំនងទ្វេភាគីនាពេលខាងមុខ និងឯកភាពបន្តពង្រឹងទំនុកចិត្តនយោបាយ តាមរយៈការផ្លាស់ប្តូរគណៈប្រតិភូជាន់ខ្ពស់ និងគ្រប់កម្រិត ពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ សំដៅឆ្ពោះទៅរកតុល្យភាពពាណិជ្ជកម្មទ្វេភាគីសម្រេចបាន ១៨ ពាន់លានដុល្លារ ជំរុញកិច្ចសហប្រតិបត្តិការក្នុងវិស័យថាមពល ប្រេង និងឧស្ម័ន វិទ្យាសាស្ត្រ និងបច្ចេកវិទ្យា ការធ្វើបរិវត្តកម្មឌីជីថល ការច្នៃប្រឌិត បញ្ញាសិប្បនិម្មិត ការនេសាទ ឧស្សាហកម្មហាឡាល ក៏ដូចជាការចូលរួមយ៉ាងសកម្មនៅក្នុងគម្រោងបណ្តាញថាមពលអាស៊ាន (APG)។

leftcenterrightdel
លោក Tran Thanh Man ប្រធានរដ្ឋសភាវៀតណាមជួបពិភាក្សាការងារជាមួយ លោក Anwar Ibrahim នាយករដ្ឋមន្ត្រីម៉ាឡេស៊ី

លោក Tran Thanh Man ប្រធានរដ្ឋសភាវៀតណាមបានសង្កត់ធ្ងន់ថា ភាគីទាំងពីរត្រូវអនុម័តយ៉ាង​ឆាប់ៗនូវ​កម្មវិធីសកម្មភាពអនុវត្តភាពជាដៃគូយុទ្ធសាស្ត្រលើគ្រប់ជ្រុងជ្រោយវៀតណាម-ម៉ាឡេស៊ី ដំណាក់កាល ២០២៥-២០៣០ និងអនុវត្តយ៉ាងសកម្មនូវគម្រោងថាមពលបៃតង និងកិច្ចសហប្រតិបត្តិការត្រីភាគីលើការនាំចេញថាមពលកកើតឡើងវិញពីវៀតណាមទៅកាន់ម៉ាឡេស៊ី និងសិង្ហបុរី។

ទាក់ទិននឹងកិច្ចសហប្រតិបត្តិការសភា លោក Tran Thanh Man ប្រធានរដ្ឋសភាវៀតណាម បានអះអាងថា រដ្ឋសភាវៀតណាមនឹងសម្របសម្រួលយ៉ាងជិតស្និទ្ធ និងរួមដំណើរជាមួយសភាម៉ាឡេស៊ី និងសភានៃប្រទេសដ៏ទៃទៀត ដើម្បីបន្តលើកកំពស់តួនាទីរបស់អន្តរសភាអាស៊ាន (AIPA) ក្នុងការជំរុញការតភ្ជាប់ និងទំនាក់ទំនងក្នុងតំបន់ បង្កើនសំឡេងរបស់ប្រជាជន បង្កើនការផ្លាស់ប្តូររវាងប្រជាជន និងប្រជាជន៕

បកប្រែដោយ Duy Hoan