ថ្លែងសុន្ទរកថាបើកក្នុងពិធីនេះ លោកស្រី Vu Viet Trang អគ្គនាយិកានៃទីភ្នាក់ងារសារព័ត៌មានវៀតណាម បានមានប្រសាសន៍ថា រហូតក្នុងរយៈពេល ៨ ទសវត្សរ៍នៃការបង្កើត និងរីកធំធាត់មកម៉្លេះ ទីភ្នាក់ងារសារព័ត៌មានវៀតណាមតែងតែទទួលបានការយកចិត្តទុកដាក់យ៉ាងខ្លាំងពីបក្ស និងលោកប្រធានហូជីមិញជាទីគោរព ហើយនិងទទួលបានការណែនាំយ៉ាងដិតដល់ពីសំណាក់រដ្ឋាភិបាល និងការជឿទុកចិត្ត ការគាំទ្ររបស់ប្រជាជន។

leftcenterrightdel
លោក To Lam អគ្គលេខាបក្ស អញ្ជើញចូលរួម និងថ្លែងសុន្ទរកថានៅក្នុងពិធីអបអរសាទរខួបលើកទី ៨០ នៃទិវានៃការបង្កើតទីភ្នាក់ងារសារព័ត៌មានវៀតណាម

ក្នុងអំឡុងពេលដ៏ក្តៅគគុក កាចសាហាវបំផុតនោះនៃសង្គ្រាមតស៊ូ គ្មានសមរភូមិប្រយុទ្ធណាមួយដែលអវត្តមានរបស់អ្នកសារព័ត៌មានមកពីទីភ្នាក់ងារព័ត៌មានវៀតណាម និងទីភ្នាក់ងារព័ត៌មានរំដោះនេាះទេ។ ឈានចូលដល់សម័យសន្តិភាពវិញ ទីភ្នាក់ងារសារព័ត៌មានវៀតណាម បានសម្របខ្លួនយ៉ាងសកម្មទៅនឹងចង្វាក់របស់ជីវភាពប្រចាំថ្ងៃ និងរបស់សម័យកាល ដោយបន្តឆ្លុះបញ្ចាំងយ៉ាងរស់រវើកនូវការអភិវឌ្ឍ និងការឈានទៅមុខដ៏រឹងមាំរបស់ប្រទេសជាតិ។ មកដល់សព្វថ្ងៃនេះ ទីភ្នាក់ងារសារព័ត៌មានវៀតណាមបានលើកកម្ពស់ទំនាក់ទំនងសហប្រតិបត្តិការប្រកបដោយប្រសិទ្ធភាពជាមួយទីភ្នាក់ងារសារព័ត៌មានចំនួនជាង ៤០ ជុំវិញពិភពលោក និងតួនាទីជាសមាជិកគណៈប្រតិបត្តិការនៃអង្គការទីភ្នាក់ងារព័ត៌មានអាស៊ីប៉ាស៊ីហ្វិក (OANA) - ដែលជាអង្គការដែលស្រូបយក ៤០% នៃព័ត៌មានពិភពលោក។ ហើយបានផ្សព្វផ្សាយព័ត៌មានយ៉ាងសកម្ម និងទូលំទូលាយជាភាសាបរទេសផ្សេងៗលើបណ្តាញសារព័ត៌មានអន្តរជាតិ រួមចំណែកដល់រាល់កម្លាំងដែលកំពុងបំពេញការងារកិច្ចការបរទេស លើកកំពស់តួនាទី និងកិត្យានុភាពរបស់វៀតណាមលើឆាកអន្តរជាតិ។

leftcenterrightdel
លោក To Lam អគ្គលេខាបក្ស និងថ្នាក់ដឹកនាំបក្ស រដ្ឋ អញ្ជើញបើកសម្ពោធជាផ្លូវការទំព័រព័ត៌មានមហាសន្និបាតបក្សទូទាំងប្រទេសលើកទី១៤ នៅគេហទំព័រ៖ https://daihoidang.vn

ដើម្បីឆ្លើយតបទៅនឹងតម្រូវការនៃស្ថានភាពថ្មី ទីភ្នាក់ងារសារព័ត៌មានវៀតណាម និងបន្តពង្រីកលើកកម្ពស់ប្រពៃណីរបស់ខ្លួន រក្សាតម្លៃស្នូលរបស់ខ្លួន មានភាពច្នៃប្រឌិតឥតឈប់ឈរប្រកបដោយប្រសិទ្ធភាពអនុវត្តភារកិច្ចព័ត៌មានជាយុទ្ធសាស្ត្រក្នុងស្ថានភាពថ្មី ហើយជាប្រភពប្រព័ន្ធផ្សព្វផ្សាយដែលអាចទុកចិត្តបានទៅដល់មិត្តអ្នកអានទាំងក្នុង និងក្រៅប្រទេស ព្រមទាំងបញ្ជាក់ឱ្យឃើញថា ខ្លួនឯងជាទីភ្នាក់ងារព័ត៌មានជាតិដ៏មានកិត្យានុភាពក្នុងតំបន់ និងនៅលើពិភពលោក។

ក្នុងពិធីនេះ តាងនាមថ្នាក់ដឹកនាំបក្ស និងរដ្ឋ លោក To Lam អគ្គលេខាបក្សបានបំពាក់គ្រឿងឥស្សរិយយសហូជីមិញជូនទីភ្នាក់ងារសារព័ត៌មានវៀតណាម។ ក្នុងឱកាសនេះ លោកអគ្គលេខាបក្ស និងថ្នាក់ដឹកនាំបក្ស និងរដ្ឋ បានអញ្ជើញចូលរួមពិធីសម្ពោធទំព័រព័ត៌មានមហាសន្និបាតបក្សទូទាំងប្រទេសលើកទី១៤ នៅគេហទំព័រ៖ https://daihoidang.vn។

បកប្រែដោយ Minh Trung