ឆ្ពោះទៅកាន់សន្និសីទត្រួតពិនិត្យសន្ធិសញ្ញាមិនរីកសាយភាយនុយក្លេអ៊ែរលើកទី១១

ក្នុងដំណើរទស្សនកិច្ចការងារនេះ លោក Do Hung Viet និងលោក Pham Quang Hieu ឯកអគ្គរដ្ឋទូតវិសាមញ្ញ និងពេញសមត្ថភាពរបស់វៀតណាមប្រចាំនៅប្រទេសជប៉ុន បានចូលជួបសម្តែងការគួរសមជាមួយលោក Iwaya Takeshi រដ្ឋមន្ត្រីក្រសួងការបរទេសជប៉ុន។

លោក Do Hung Viet ឯកអគ្គរដ្ឋទូត ប្រធានស្ថានបេសកកម្មអចិន្ត្រៃយ៍របស់វៀតណាមប្រចាំអង្គការសហប្រជាជាតិ (រូបថត៖ vnanet.vn)

នៅក្នុងជំនួបនេះ លោក Iwaya Takeshi បានវាយតម្លៃខ្ពស់ចំពោះការត្រៀមខ្លួនរបស់វៀតណាមក្នុងការទទួលតួនាទីជាប្រធាន NPT RevCon ក្នុងបរិបទដែលមានបញ្ហាប្រឈមជាច្រើននាបច្ចុប្បន្ន។ ដោយសង្កត់ធ្ងន់លើការយកចិត្តទុកដាក់របស់ជប៉ុនចំពោះការអនុវត្ត NPT និង NPT RevCon លើកទី ១១ លោក Iwaya Takeshi បានឲ្យដឹងថា ជប៉ុនត្រៀមខ្លួនជាស្រេចក្នុងកិច្ចសហការ និងការខិតខំប្រឹងប្រែងជំរុញកិច្ចសហប្រតិបត្តិការ និងកិច្ចសន្ទនាដើម្បីជួយគាំទ្រវៀតណាមរៀបចំសន្និសីទប្រកបដោយជោគជ័យ។ នៅក្នុងជំនួបនេះ ភាគីទាំងពីរក៏បានពិភាក្សាអំពីស្ថានភាព និងវិធានការមួយចំនួន ដើម្បីជំរុញទំនាក់ទំនងទ្វេភាគីបន្ថែមទៀតនាពេលខាងមុខ៕

បកប្រែដោយ Thuy Anh