វៀតណាមយកចិត្តទុកដាក់យ៉ាងខ្លាំង និងត្រៀមខ្លួនជាស្រេចជំរុញទំនាក់ទំនងជាមួយបុរីវ៉ាទីកង់

តាងនាមថ្នាក់ដឹកនាំបក្ស និងរដ្ឋវៀតណាម លោកស្រី Vo Thi Anh Xuan អនុប្រធានរដ្ឋ បានអបអរសាទរចំពោះសម្តេចប៉ាបដែលត្រូវបានគណៈសង្ឃកាឌីណាល់បោះឆ្នោតជ្រើសតាំងជាសម្តេចប៉ាបនៃបុរីវ៉ាទីកង់។ លោកស្រី Vo Thi Anh Xuan បានអះអាងថា វៀតណាមយកចិត្តទុកដាក់យ៉ាងខ្លាំង និងត្រៀមខ្លួនជាស្រេចជំរុញទំនាក់ទំនងជាមួយបុរីវ៉ាទីកង់។

លោកស្រី Vo Thi Anh Xuan អនុប្រធានរដ្ឋ ជួបជាមួយសម្តេចប៉ាប Leo XIV

លោកស្រី Vo Thi Anh Xuan បានស្នើឱ្យសម្តេចប៉ាប Leo XIV បន្តគាំទ្រ និងជំរុញទំនាក់ទំនងល្អរវាងវៀតណាម និងបុរីវ៉ាទីកង់ ដោយលើកទឹកចិត្តសហគមន៍កាតូលិកវៀតណាម អនុវត្តបានល្អនូវគោលការណ៍ណែនាំ “គោរពព្រះ ស្រឡាញ់ប្រទេស” “រស់ល្អខាងផ្លូវលោក ល្អខាងផ្លូវធម៌” រួមចំណែកយ៉ាងសកម្មក្នុងបុព្វហេតុអភិវឌ្ឍន៍ប្រទេសជាតិ ក្នុងស្មារតី “សហគមន៍កាតូលិកវៀតណាម រួមដំណើរជាមួយប្រទេសជាតិ” “កាតូលិកសាសនិកល្អក៏ជាពលរដ្ឋល្អ”។ល។

ក្នុងឱកាសនេះ លោកស្រី Vo Thi Anh Xuan អនុប្រធានរដ្ឋ បានពាំនាំការអញ្ជើញពីសំណាក់ថ្នាក់ដឹកនាំវៀតណាមជូនចំពោះសម្តេចប៉ាប និងថ្នាក់ដឹកនាំបុរីវ៉ាទីកង់ មកបំពេញទស្សនកិច្ចនៅវៀតណាមនាពេលខាងមុខ។ ដោយថ្លែងអំណរគុណចំពោះការអញ្ជើញរបស់ថ្នាក់ដឹកនាំវៀតណាម សម្តេចប៉ាប Leo XIV បានបញ្ជាក់ពីបំណងចង់ទៅបំពេញទស្សនកិច្ចនៅវៀតណាម ដើម្បីបង្ហាញពីភាពស្និទ្ធស្នាលជាមួយសហគមន៍កាតូលិកវៀតណាម និងគ្រិស្តសាសនិកវៀតណាម ក៏ដូចជាពង្រឹងទំនាក់ទំនងវៀតណាម-វ៉ាទីកង់ដែរ។

* នាថ្ងៃដដែល លោកស្រី Vo Thi Anh Xuan អនុប្រធានរដ្ឋ ក៏បានជួបសវនាការជាមួយលោក Paul Richard Gallagher រដ្ឋមន្ត្រីការបរទេសវ៉ាទីកង់ផងដែរ៕

បកប្រែដោយ Huyen Trang