រៀបចំការហ្វឹកហាត់ដង្ហែក្បួនព្យុហយាត្រាប្រកបដោយប្រសិទ្ធភាព និងធានាសុវត្ថិភាពជាដាច់ខាត

លោកឧត្តមសេនីយ៍ឯក Nguyen Van Nghia មានប្រសាសន៍​ក្នុង​កិច្ចប្រជុំ​

មានប្រសាសន៍​​នៅក្នុងកិច្ចប្រជុំនេះ លោកឧត្តមសេនីយ៍ឯក Nguyen Van Nghia បានស្នើឱ្យកងទ័ពជើងទឹកកសាងផែនការរៀបចំព្យុហយាត្រារបស់បណ្តាកងកម្លាំងប្រដាប់អាវុធនៅសមុទ្រ ព្រមទាំងបំពេញប្រព័ន្ធឯកសារ ផែនការហាត់សមស្របតាមបទប្បញ្ញត្តិ ហើយនិងរៀបចំល្អផែនការធានាវិទ្យុទាក់ទង។

កងកម្លាំងទាំងឡាយត្រូវរៀបចំល្អការហ្វឹកហាត់តាមផែននិមួយៗ រួមទាំងការហាត់សមរួមគ្នានៅទីលាន Ba Dinh តាមផែនការដែលបានកំណត់ ព្រមទាំងសម្របសម្រួលយ៉ាងជិតស្និទ្ធជាមួយកម្លាំងនគរបាលនិងទីក្រុងហាណូយក្នុងការសម្រួលចរាចរណ៍ ទន្ទឹមនឹង​នោះ​ការចល័តកងកម្លាំងទៅកាន់ទីកន្លែងហាត់សម​រួម​គ្នា​​ត្រូវធានាសុវត្ថិភាពជាដាច់ខាត។

ប្រតិភូអញ្ជើញ​ចូល​រួម​កិច្ចប្រជុំ​

លោកឧត្តមសេនីយ៍ឯក Nguyen Van Nghia បានកត់សម្គាល់ថា កងកម្លាំងហ្វឹកហាត់ដង្ហែក្បួនព្យុហយាត្រាត្រូវសម្របសម្រួលយ៉ាងជិតស្និទ្ធជាមួយអង្គភាពមូលដ្ឋាន អនុវត្តល្អបទប្បញ្ញត្តិស្តីពីការចេញចូល​បន្ទាយ ព្រមទាំងអនុវត្តឱ្យបានល្អនូវការងារបក្ស ការងារនយោបាយ ដែល​ផ្តោតលើការជំរុញការងារផ្សព្វផ្សាយឃោសនា ព្រមទាំង​ធ្វើ​បាន​ល្អ​ការ​ថែទាំសុខភាពកម្មាភិបាល យុទ្ធជន ធានាសុវត្ថិភាពចំណីអាហារ និងអនាម័យបរិស្ថាន...៕

បកប្រែដោយ Duy Hoan