លោក Pham Minh Chinh នាយករដ្ឋមន្ត្រីវៀតណាមទៅដល់ទីក្រុង Nice ចាប់ផ្តើមដំណើរទស្សនកិច្ចការងារនៅសាធារណរដ្ឋបារាំង
កប.អនឡាញ - បន្ទាប់ពីបញ្ចប់ដំណើរទស្សនកិច្ចជាផ្លូវការនៅសាធារណរដ្ឋអេស្តូនីដោយជោគជ័យ នារសៀលថ្ងៃទី៧ ខែមិថុនា តាមម៉ោងក្នុងស្រុក យន្តហោះដឹកលោក Pham Minh Chinh នាយករដ្ឋមន្ត្រី និងលោកជំទាវ Le Thi Bich Tran ព្រមទាំងគណៈប្រតិភូជាន់ខ្ពស់វៀតណាមបានទៅដល់ទីក្រុង Nice ប្រទេសបារាំង ចាប់ផ្តើមដំណើរទស្សនកិច្ចការងារចូលរួមសន្និសីទមហាសមុទ្រអង្គការសហប្រជាជាតិលើកទី៣ (UNOC 3) និងធ្វើសកម្មភាពទ្វេភាគីនៅសាធារណរដ្ឋបារាំងពីថ្ងៃទី ៧ ដល់ថ្ងៃទី ១១ ខែមិថុនា តាមការអញ្ជើញរបស់ លោក Antonio Guterres អគ្គលេខាធិការអង្គការសហប្រជាជាតិ និងលោក Emmanuel Macron ប្រធានាធិបតីបារាំង ។
ទទួលស្វាគមន៍ លោក Pham Minh Chinh នាយករដ្ឋមន្ត្រី និងភរិយា ព្រមទាំងគណៈប្រតិភូជាន់ខ្ពស់វៀតណាមនៅអាកាសយានដ្ឋាន Cotê d'Azur នៅទីក្រុង Nice មានតំណាងក្រសួងការបរទេសបារាំង លោក Dinh Toan Thang ឯកអគ្គរដ្ឋទូតវៀតណាមប្រចាំនៅបារាំង កម្មាភិបាល និងបុគ្គលិកនៃស្ថានទូត និងតំណាងសហគមន៍វៀតណាមនៅប្រទេសបារាំង។
    |
 |
|
យន្តហោះដឹក លោក Pham Minh Chinh នាយករដ្ឋមន្ត្រី និងលោកជំទាវ Le Thi Bich Tran បានទៅដល់ទីក្រុង Nice ប្រទេសបារាំង |
នេះជាលើកទីមួយហើយដែលនាយករដ្ឋមន្ត្រីវៀតណាមបានអញ្ជើញចូលរួមសន្និសីទមហាសមុទ្ររបស់អង្គការសហប្រជាជាតិ និងជាដំណើរទស្សនកិច្ចលើកដំបូងទៅកាន់ប្រទេសបារាំងរបស់នាយករដ្ឋមន្ត្រីចាប់តាំងពីប្រទេសទាំងពីរបានដំឡើងទំនាក់ទំនងទៅជាភាពជាដៃគូយុទ្ធសាស្ត្រលើគ្រប់ជ្រុងជ្រោយក្នុងខែតុលា ឆ្នាំ ២០២៤ បន្ទាប់ពីដំណើរទស្សនកិច្ចនៅវៀតណាមរបស់ប្រធានាធិបតីបារាំង Macron កាលពីខែឧសភា ឆ្នាំ ២០២៥។
ក្នុងឋានៈជាភ្ញៀវពិសេសរបស់ប្រធានាធិបតីបារាំងដែលចូលរួម UNOC 3 លោក Pham Minh Chinh នាយករដ្ឋមន្ត្រី នឹងចូលរួមសម័យពិភាក្សា សន្និសីទ និងព្រឹត្តិការណ៍ពាក់ព័ន្ធដូចជា៖ វេទិកាហិរញ្ញវត្ថុ និងសេដ្ឋកិច្ចបៃតង ពិព័រណ៍វិទ្យាសាស្ត្រសមុទ្រ... ជាពិសេស លោកនាយករដ្ឋមន្ត្រីវៀតណាមនឹងធ្វើជាសហប្រធានកិច្ចប្រជុំកំពូលដីសណ្តពិភពលោក និងថ្លែងសុន្ទរកថាសំខាន់នៅសម័យប្រជុំពេញអង្គរបស់ UNOC 3។
ការដែលលោក Pham Minh Chinh នាយករដ្ឋមន្ត្រី អញ្ជើញចូលរួមរបស់ UNOC 3 បានអះអាងថា វៀតណាមត្រៀមខ្លួនជាដៃគូជឿទុកចិត្តបានក្នុងក្របខ័ណ្ឌនៃគំរូសហប្រតិបត្តិការ ត្រៀមខ្លួនជាស្រេចក្នុងការរួមចំណែកចែករំលែកចំណេះដឹងនិងបទពិសោធន៍ជាមួយប្រទេសផ្សេងៗ រួមចំណែកដល់កិច្ចខិតខំប្រឹងប្រែងរួមដើម្បីអនុវត្តគោលដៅអភិវឌ្ឍន៍ប្រកបដោយចីរភាព។
|
|
 |
|
ពិធីទទួលស្វាគមន៍លោក Pham Minh Chinh នាយករដ្ឋមន្ត្រី និងភរិយា នៅអាកាសយានដ្ឋានអន្តរជាតិ Cotê d'Azur ទីក្រុង Nice សាធារណរដ្ឋបារាំង |
ក្នុងឱកាសនេះ លោក Pham Minh Chinh នាយករដ្ឋមន្ត្រី នឹងជួបពិភាក្សាទ្វេភាគីជាមួយថ្នាក់ដឹកនាំប្រទេស និងអង្គការនានាដែលចូលរួមសន្និសីទ ដើម្បីពិនិត្យ និងជំរុញកិច្ចសហប្រតិបត្តិការរវាងវៀតណាមជាមួយប្រទេសនិងដៃគូនានា។
អំពីសកម្មភាពទ្វេភាគីជាមួយបារាំង លោក Pham Minh Chinh នាយករដ្ឋមន្ត្រី នឹងជួបពិភាក្សា និងជួបសវនាការជាមួយថ្នាក់ដឹកនាំជាន់ខ្ពស់របស់បារាំង អញ្ជើញចូលរួមវេទិកាធុរកិច្ចវៀតណាម - បារាំង និងជួបជាមួយថ្នាក់ដឹកនាំនៃសាជីវកម្មបារាំងធំៗ ជួបជាមួយអ្នកជំនាញ បញ្ញវន្ត និងតំណាងសហគមន៍វៀតណាមនៅបារាំង ...
សកម្មភាពទ្វេភាគីរបស់លោក Pham Minh Chinh នាយករដ្ឋមន្ត្រី នៅបារាំងផ្តោតលើការសម្រេចបាននូវគោលដៅសំខាន់ៗនៃទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយរវាងប្រទេសទាំងពីរ ក៏ដូចជាសេចក្តីថ្លែងការណ៍រួមវៀតណាម - បារាំង ក្នុងឱកាសនៃដំណើរទស្សនកិច្ចផ្លូវរដ្ឋនៅវៀតណាមនាពេលថ្មីៗនេះរបស់លោក Macron ប្រធានាធិបតីបារាំង បើកដំណាក់កាលថ្មីសម្រាប់កិច្ចសហប្រតិបត្តិការលើគ្រប់វិស័យរវាងវៀតណាមនិងបារាំង។
បកប្រែដោយ Duy Hoan