លោក Luong Cuong ប្រធានរដ្ឋវៀតណាម ជួបសវនាការជាមួយ លោក Saysomphone Phomvihane ប្រធានរដ្ឋសភាឡាវ

លោក Luong Cuong ប្រធានរដ្ឋវៀតណាម ជួបសវនាការជាមួយ លោក Saysomphone Phomvihane ប្រធានរដ្ឋសភាឡាវ

មេដឹកនាំទាំងពីរបានអះអាងជាថ្មីអំពីការយកចិត្តទុកដាក់ និងផ្តល់អាទិភាពខ្ពស់បំផុតក្នុងការពង្រឹង និងពង្រីកទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវ ដោយចាត់ទុកថានេះជាទ្រព្យសម្បត្តិដែលមិនអាចកាត់ថ្លៃបាន និងជាកត្តាសំខាន់សម្រាប់បុព្វហេតុបដិវត្តន៍របស់ប្រទេសនីមួយៗ។ មេដឹកនាំទាំងពីបានឯកភាពបន្តរក្សាការផ្លាស់ប្តូរគណៈប្រតិភូ និងទំនាក់ទំនងកម្រិតខ្ពស់។ អនុវត្តយ៉ាងសកម្មនូវកិច្ចព្រមព្រៀងកម្រិតខ្ពស់ រួមទាំងកិច្ចព្រមព្រៀងសហប្រតិបត្តិការរវាងរដ្ឋសភា។ បន្តពង្រឹងសកម្មភាពផ្លាស់ប្តូរ និងចែករំលែកបទពិសោធន៍ក្នុងការកសាង និងបំពេញប្រព័ន្ធច្បាប់។ លុបបំបាត់ការលំបាក និងឧបសគ្គអំពីប្រព័ន្ធច្បាប់ និងយន្តការ បង្កើតច្រកផ្លូវច្បាប់មានអំណោយផលសម្រាប់អង្គភាពអាជីវកម្ម និងមូលដ្ឋាននៃប្រទេសទាំងពីរ ដើម្បីអនុវត្តកិច្ចសហប្រតិបត្តិការក្នុងទិសដៅប្រកបដោយនិរន្តរភាព និងផ្តល់ផលប្រយោជន៍ទៅវិញទៅមក។ ថ្នាក់ដឹកនាំទាំងពីរក៏បានវាយតំលៃខ្ពស់ចំពោះការដែលភាគីទាំងពីរកំពុងស្រាវជ្រាវ ចងក្រង និងបោះពុម្ពផ្សាយសៀវភៅមួយដែលមានចំណងជើងថា “៥០ឆ្នាំ នៃទំនាក់ទំនងរវាងរដ្ឋសភាវៀតណាម និងរដ្ឋសភាឡាវ” ហើយជឿជាក់ថា សៀវភៅនេះនឹងរួមចំណែកផ្សព្វផ្សាយយ៉ាងទូលំទូលាយ និងលើកកម្ពស់ការយល់ដឹងរបស់ប្រជាជននៃប្រទេសទាំងពីរ អំពីទំនាក់ទំនងជិតស្និទ្ធរវាងវៀតណាម និងឡាវ។

ទិដ្ឋភាពនៃជំនួប

ភាគីទាំងពីរបានឯកភាពពង្រឹងសាមគ្គីភាព បន្តសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមក នៅវេទិកាតំបន់ និងអន្តរជាតិ ពិគ្រោះនិងសម្របសម្រួលគាំទ្រគោលជំហរលើបញ្ហាអន្តរជាតិ និងតំបន់ ស្របតាមផលប្រយោជន៍ និងការយកចិត្តទុកដាក់របស់ប្រទេសនីមួយៗ ស្របតាមគោលជំហររួមរបស់អាស៊ាន ជាពិសេសនៅមហាសន្និបាតអន្តរសភាអាស៊ាន (AIPA) សហភាពអន្តរសភា (IPU) វេទិកាសភាអាស៊ី-ប៉ាស៊ីហ្វិក (APPF) និងសហភាពអន្តរសភានិយាយភាសាបារាំង(APF)។

បកប្រែដោយ Duy Hoan