លោកអគ្គលេខាបក្ស To Lam បញ្ចប់ដោយជោគជ័យនូវដំណើរទស្សនកិច្ចផ្លូវការនៅប្រទេសសិង្ហបុរី

គួររំលឹកដែរថា នាព្រឹកថ្ងៃទី១៣ ខែមីនា ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅសិង្ហបុរី លោកអគ្គលេខាបក្ស To Lam និងគណៈប្រតិភូជាន់ខ្ពស់វៀតណាម បានទៅទស្សនកិច្ចការងារនៅកំពង់ផែ Pansir Panjang ដែលជាកំពង់ផែកុងតឺន័រទំនើបបំផុតមួយនៅអាស៊ីអាគ្នេយ៍ ដើម្បីស្វែងយល់អំពីគំរូអភិវឌ្ឍន៍ហេដ្ឋារចនាសម្ព័ន្ធកំពង់ផែសមុទ្ររបស់សិង្ហបុរី។

លោកអគ្គលេខាបក្ស To Lam និងគណៈប្រតិភូជាន់ខ្ពស់វៀតណាមប ទៅទស្សនកិច្ចការងារនៅកំពង់ផែ Pansir Panjang (រូប​ថត៖ vnanet.vn)

នៅកំពង់ផែ Pansir Panjang លោក Nelson Quek នាយកប្រតិបត្តិ នៃតំបន់អាស៊ីអាគ្នេយ៍ និងថ្នាក់ដឹកនាំសម្ព័ន្ធក្រុមហ៊ុន PSA Singapore ដែលជាអង្គភាពប្រតិបត្តិកំពង់ផែ Pansir Panjang បានស្វាគមន៍យ៉ាងកក់ក្តៅចំពោះលោកអគ្គលេខាបក្ស To Lam និងគណៈប្រតិភូវៀតណាម។

លោកអគ្គលេខាបក្ស​បានសម្តែងនូវគោលបំណងចង់ឱ្យ PSA សហការក្នុងការអភិវឌ្ឍប្រព័ន្ធកំពង់ផែសមុទ្រនៅវៀតណាម ព្រោះបទពិសោធន៍របស់សិង្ហបុរីក្នុងវិស័យនេះមានតម្លៃណាស់សម្រាប់វៀតណាមក្នុងដំណើរការទំនើបកម្មប្រព័ន្ធកំពង់ផែសមុទ្រ និងការអភិវឌ្ឍឧស្សាហកម្ម logistics។ លោកអគ្គលេខាបក្សបានស្នើថា នឹងបញ្ជូននិស្សិតវៀតណាមទៅសិក្សាប្រតិបត្តិការកំពង់ផែ និងបច្ចេកវិទ្យាគ្រប់គ្រង។ តំណាង PSA បានសម្តែងនូវឆន្ទៈក្នុងការចែករំលែកបទពិសោធន៍ និងពង្រឹងកិច្ចសហប្រតិបត្តិការជាមួយវៀតណាម ព្រមទាំងវាយតម្លៃខ្ពស់ចំពោះសក្តានុពលអភិវឌ្ឍន៍នៃវិស័យកំពង់ផែសមុទ្រ និង logistics របស់វៀតណាមនាពេលខាងមុខ។

* នាថ្ងៃដដែល នៅសាកលវិទ្យាល័យជាតិសិង្ហបុរី លោកអគ្គលេខាបក្ស To Lam បានជួបសំណេះសំណាល និងស្តាប់ការចែករំលែកអំពីគោលនយោបាយអប់រំ វិទ្យាសាស្ត្រ និងបច្ចេកវិទ្យារបស់ប្រទេសសិង្ហបុរី ជាមួយលោក Chan Chun Sing រដ្ឋមន្ត្រីក្រសួងអប់រំ និងថ្នាក់ដឹកនាំនៃសាកលវិទ្យាល័យឈានមុខរបស់សិង្ហបុរី។ លោកអគ្គលេខាបក្ស To Lam បានស្នើឱ្យបណ្តាសាកលវិទ្យាល័យសិង្ហបុរីលំដាប់ពិភពលោក ជួយឧបត្ថម្ភ និងចែករំលែកជាមួយវៀតណាមនូវបទពិសោធន៍ក្នុងការអនុវត្តកិច្ចសហប្រតិបត្តិការរវាងរដ្ឋ សាកលវិទ្យាល័យ និងធុរកិច្ច ដើម្បីសម្រេចបាននូវការស្រាវជ្រាវវិទ្យាសាស្ត្រ និងបច្ចេកវិទ្យា ដែលឆ្លើយតបនឹងតម្រូវការជាក់ស្តែង។

លោកអគ្គលេខាបក្ស To Lam បំពេញ​ទស្សនកិច្ច​នៅសាកលវិទ្យាល័យជាតិសិង្ហបុរី

*នារសៀលថ្ងៃទី ១៣ មីនា លោកអគ្គលេខាបក្ស To Lam និងគណៈប្រតិភូជាន់ខ្ពស់វៀតណាមបានចូលរួមវេទិកាធុរកិច្ចវៀតណាម - សិង្ហបុរី ក្រោមប្រធានបទ “វៀតណាម - គោលដៅនៃយុគសម័យវិទ្យាសាស្ត្រ បច្ចេកវិទ្យា និងកិច្ចសហប្រតិបត្តិការហិរញ្ញវត្ថុ”។

នៅក្នុងកិច្ចពិភាក្សានេះ ធុរកិច្ចសិង្ហបុរី អ្នកជំនាញ និងសេដ្ឋវិទូ បានចែករំលែកបទពិសោធន៍ ក្នុងការអភិវឌ្ឍទីផ្សារហិរញ្ញវត្ថុ និងការកសាងមជ្ឈមណ្ឌលហិរញ្ញវត្ថុអន្តរជាតិនៅប្រទេសសិង្ហបុរី លើកកម្ពស់វិទ្យាសាស្ត្រ បច្ចេកវិទ្យា នវានុវត្តន៍ និងការវិនិយោគលើបច្ចេកវិទ្យាខ្ពស់ បទពិសោធន៍វិនិយោគ ការអភិវឌ្ឍបច្ចេកវិទ្យា ការកសាងមជ្ឈមណ្ឌលហិរញ្ញវត្ថុ និងផ្តល់អនុសាសន៍ជូនវៀតណាម...

លោកអគ្គលេខាបក្ស To Lam ថ្លែង​ក្នុង​កិច្ចពិភាក្សា (រូប​ថត៖ vnanet.vn)

ក្នុងសុន្ទរកថា លោកអគ្គលេខាបក្ស To Lam បានលើងឡើងថា៖ វៀតណាម និងសិង្ហបុរីគប្បីតែពង្រឹងការតភ្ជាប់រវាងខឿនសេដ្ឋកិច្ចទាំងពីរ មានកម្មវិធីសកម្មភាព និងផែនការ មិនត្រឹមតែផ្តោតលើវិស័យមានឧត្តមភាពប៉ុណ្ណោះទេ ថែមទាំងលើទិដ្ឋភាពរួមទូទៅទៀតផង។ សិង្ហបុរីមានគុណសម្បត្តិជាច្រើនដូចជា ធនធានហិរញ្ញវត្ថុ បច្ចេកវិទ្យា វិទ្យាសាស្ត្រ មជ្ឈមណ្ឌលច្នៃប្រឌិត ប្រព័ន្ធ logistics រួមផ្សំជាមួយការដែលវៀតណាមមានធនធានមនុស្សដ៏សម្បូរបែប ឧស្សាហ៍ព្យាយាម ឆ្លាតវៃ មានទីផ្សារធំ មានធនធានដី ធនធានធម្មជាតិ រ៉ែដីកម្រ... នឹងបង្កើតការច្នៃប្រឌិតជាច្រើន ជម្នះភាពខ្វះខាត បង្កើតឱកាសដ៏អស្ចារ្យសម្រាប់ការអភិវឌ្ឍទៅវិញទៅមក។ នេះគឺជាការតភ្ជាប់មិនត្រឹមតែរវាងប្រទេសទាំងពីរប៉ុណ្ណោះទេ ថែមទាំងបង្កើតការតភ្ជាប់អាស៊ានប្រកបដោយប្រសិទ្ធភាព រួមចំណែកដល់សន្តិភាព និងការអភិវឌ្ឍក្នុងតំបន់ផងដែរ៕

បកប្រែដោយ Duy Hoan