ថ្នាក់ដឹកនាំ Solomon វាយតម្លៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការជាមួយវៀតណាម

លោក Pham Hung Tam ឯកអគ្គរដ្ឋទូតវៀតណាមប្រចាំនៅអូស្ត្រាលី និង Solomon ទើបតែជូនសារតាំងដល់ លោក John Patteson Oti  អគ្គទេសាភិបាលស្តីទី និងជាប្រធានសភា Solomon នៅវិមានអគ្គទេសាភិបាលក្នុងរដ្ឋធានី Honiara នៃ Solomon ។

លោក Pham Hung Tam ឯកអគ្គរដ្ឋទូតវៀតណាមប្រចាំនៅអូស្ត្រាលី និង Solomon ទើបតែជូនសារតាំងដល់ លោក John Patteson Oti  អគ្គទេសាភិបាលស្តីទី និងជាប្រធានសភា Solomon នៅវិមានអគ្គទេសាភិបាលក្នុងរដ្ឋធានី Honiara នៃ Solomon  (រូបថត៖ VNA)

ក្នុងឱកាសនេះ លោកឯកអគ្គរដ្ឋទូត Pham Hung Tam បានចូលជួបសម្តែងការគួរសមជាមួយនាយករដ្ឋមន្ត្រី Solomon Jeremiah Manele; ជួបជាមួយរដ្ឋមន្ត្រីក្រសួងការបរទេស និងពាណិជ្ជកម្មបរទេស Peter Shanel Agovaka; រដ្ឋមន្ត្រីក្រសួងពាណិជ្ជកម្ម ឧស្សាហកម្ម ការងារ និងអន្តោប្រវេសន៍ Harry Kuma; រដ្ឋមន្ត្រីក្រសួងរបរនេសាទ និងធនធានសមុទ្រ Nestor Ghiro; រដ្ឋមន្ត្រីមហាផ្ទៃ Isikeli Vave និងប្រធានក្រុមសមាជិកសភា គណៈរដ្ឋមន្ត្រីដែលកំពុងកាន់អំណាច នៃរដ្ឋសភា Solomon Tran Nam Son។

នៅក្នុងជំនួបនេះ ថ្នាក់ដឹកនាំ Solomon បានសម្តែងនូវគោលបំណងចង់ឱ្យប្រទេសទាំងពីរបង្កើនការផ្លាស់ប្តូរគណៈប្រតិភូ កិច្ចសហប្រតិបត្តិការពាណិជ្ជកម្ម វិនិយោគ និងទេសចរណ៍ ហើយថា Solomon ចង់រៀនពីបទពិសោធន៍របស់វៀតណាមក្នុងការអភិវឌ្ឍន៍ប្រទេសជាតិ។ លោក John Patteson Oti អគ្គទេសាភិបាលស្តីទី និងជាប្រធានសភានៃ Solomon  បាននិយាយថា ប្រទេសទាំងពីរមានសក្តានុពលខ្លាំងសម្រាប់កិច្ចសហប្រតិបត្តិការលើវិស័យកសិកម្ម ទេសចរណ៍ ពាណិជ្ជកម្ម និងការវិនិយោគ។  Solomon ចាប់អារម្មណ៍ក្នុងការរៀនសូត្រពីបទពិសោធន៍របស់វៀតណាមក្នុងការអភិវឌ្ឍន៍ ក៏ដូចជាការការពារ និងការគ្រប់គ្រងគ្រោះមហន្តរាយ។ សង្ឃឹមថាប្រទេសទាំងពីរពិចារណាការចរចារកិច្ចព្រមព្រៀងពាណិជ្ជកម្មសេរី និងពង្រឹងកិច្ចសហប្រតិបត្តិការក្នុងអង្គការអន្តរជាតិ។

រីឯខ្លួនវិញ លោកឯកអគ្គរដ្ឋទូត Pham Hung Tam បានស្នើថា ប្រទេសទាំងពីរជំរុញកិច្ចសហប្រតិបត្តិការលើវិស័យទេសចរណ៍ ពាណិជ្ជកម្ម វិនិយោគ កសិកម្ម នេសាទ វារីវប្បកម្ម និងកែច្នៃផលិតផលកសិកម្ម និងអាហារសមុទ្រ ព្រមទាំងកិច្ចសហប្រតិបត្តិការលើវិស័យថាមពលកកើតឡើងវិញ រួមទាំងថាមពលពន្លឺព្រះអាទិត្យផងដែរ។ ពិចារណាលើលទ្ធភាពនៃការតភ្ជាប់ផ្លូវអាកាស ចរចាកិច្ចព្រមព្រៀងលើកលែងទិដ្ឋាការ ការចៀសវាងការយកពន្ធត្រួតគ្នា ការការពារវិនិយោគ ... លោកឯកអគ្គរដ្ឋទូតសង្ឃឹមថា រដ្ឋាភិបាលសាឡូម៉ូននឹងបន្តយកចិត្តទុកដាក់ និងជួយដល់សហគមន៍វៀតណាមដែលកំពុងរស់នៅ និងធ្វើការនៅប្រទេសកោះនេះ។

បកប្រែដោយ Duy Hoan