លោកប្រធានរដ្ឋសភា Tran Thanh Man ទទួលជួបប្រធានសហភាពសភាហ្វ្រង់កូហ្វូន

នៅក្នុងជំនួបនេះ លោកប្រធានរដ្ឋសភា Tran Thanh Man មានបំណងថា នាពេលខាងមុខ ប្រទេសទាំងពីរនឹងបន្តសម្របសម្រួលយ៉ាងជិតស្និទ្ធ ជំរុញទំនាក់ទំនងសហប្រតិបត្តិការលើគ្រប់វិស័យរវាងប្រទេសទាំងពីរឲ្យកាន់តែស៊ីជម្រៅថែមទៀត ជាពិសេសលើវិស័យសេដ្ឋកិច្ច ពាណិជ្ជកម្ម វិនិយោគ កសិកម្ម។ ប្រទេសទាំងពីរបង្កើនការផ្លាស់ប្តូរគណៈប្រតិភូ និងសម្របសម្រួលយ៉ាងសកម្ម និងគាំទ្រគ្នាទៅវិញទៅមកនៅវេទិកាពហុភាគីនានា។

លោកប្រធានរដ្ឋសភា Tran Thanh Man ទទួលជួបលោក Hilarion Etong (រូបថត៖ quochoi.vn)

លោកប្រធានរដ្ឋសភា Tran Thanh Man បានស្នើឱ្យភាគីទាំងពីរបង្កើនការផ្លាស់ប្តូរ និងការតភ្ជាប់ព័ត៌មានទាក់ទងនឹងទីផ្សារ ឱកាស និងប្រៀបខ្លាំងរបស់ភាគីនីមួយៗ ជាពិសេសក្នុងវិស័យកសិកម្ម។ វៀតណាមត្រៀមខ្លួនជាស្រេចរួមជាមួយប្រទេសកាមេរូន ស្វែងរកមូលនិធិហិរញ្ញវត្ថុពីភាគីទីបី សម្រាប់គម្រោងសហប្រតិបត្តិការអភិវឌ្ឍន៍ កសិកម្មត្រីភាគីនៅក្នុងប្រទេសកាមេរូន។ ទន្ទឹមនឹងនោះ ភាគីទាំងពីរចាំបាច់ត្រូវជំរុញទំនាក់ទំនង បង្កើនការផ្លាស់ប្តូរគណៈប្រតិភូជាន់ខ្ពស់រវាងថ្នាក់ដឹកនាំរដ្ឋសភានៃប្រទេសទាំងពីរ ក៏ដូចជាស្ថាប័នជំនាញនៃរដ្ឋសភាទាំងពីរ; ជំរុញការផ្លាស់ប្តូររវាងសមាជិកសភានៃប្រទេសទាំងពីរ ពិចារណាបង្កើតក្រុមសមាជិកសភាមិត្តភាពនៃប្រទេសទាំងពីរ ជំរុញកិច្ចសហប្រតិបត្តិការរវាងសមាជិកសភាវ័យក្មេង និងសមាជិកាសភា៕

បកប្រែដោយ Thanh Cong