ឧបនាយករដ្ឋមន្ត្រី និងជារដ្ឋមន្ត្រីការបរទេស Bui Thanh Son ទទួលជួបរដ្ឋមន្ត្រីការបរទេសសិង្ហបុរី Vivian Balakrishnan

ឧបនាយករដ្ឋមន្ត្រី និងជារដ្ឋមន្ត្រីការបរទេស Bui Thanh Son ទទួលជួបរដ្ឋមន្ត្រីការបរទេសសិង្ហបុរី Vivian Balakrishnan (រូបថត៖ Quang Hoa)

នៅក្នុងជំនួបនេះ ភាគីទាំងពីរបានសម្តែងការពេញចិត្តចំពោះការអភិវឌ្ឍន៍ដ៏រឹងមាំនៃភាពជាដៃគូយុទ្ធសាស្ត្រ ជាមួយនឹងការអភិវឌ្ឍន៍ជាក់ស្តែង ប្រកបដោយប្រសិទ្ធភាព ហើយត្រូវបានពង្រីក និងធ្វើឱ្យប្រសើរឡើងឥតឈប់ឈរ។ ក្នុងនោះ វិស័យយុទ្ធសាស្ត្រ ដូចជាការតភ្ជាប់សេដ្ឋកិច្ចទាំងពីរ ការអប់រំ និងបណ្តុះបណ្តាល ហិរញ្ញវត្ថុ ការផ្លាស់ប្តូរឌីជីថល... រួមចំណែកលើកកំពស់ទំនាក់ទំនងរវាងប្រទេសទាំងពីរក្នុងដំណាក់កាលអភិវឌ្ឍន៍ថ្មី។

ទាក់ទិននឹងទិសដៅនាពេលខាងមុខ ឧបនាយករដ្ឋមន្ត្រី Bui Thanh Son និងរដ្ឋមន្ត្រីការបរទេសសិង្ហបុរី Vivian Balakrishnan បានឯកភាពគ្នាសម្របសម្រួលយ៉ាងជិតស្និទ្ធ និងរៀបចំយ៉ាងហ្មត់ចត់សម្រាប់ដំណើរទស្សនកិច្ចកម្រិតខ្ពស់នាពេលខាងមុខ ដើម្បីសម្រេចបានលទ្ធផលខ្ពស់ ជាក់ស្តែង និងប្រកបដោយប្រសិទ្ធភាព។ ទន្ទឹមនឹងនេះ យើងផ្តោតលើការសម្របសម្រួលជាមួយក្រសួង និងស្ថាប័នពាក់ព័ន្ធ ដើម្បីអនុវត្តយ៉ាងសកម្មនូវលទ្ធផលដែលសម្រេចបានក្នុងដំណើរទស្សនកិច្ចកម្រិតខ្ពស់នាពេលថ្មីៗនេះ ជាពិសេស សេដ្ឋកិច្ចបៃតង - ភាពជាដៃគូសេដ្ឋកិច្ចឌីជីថល និងកិច្ចព្រមព្រៀងការតភ្ជាប់សេដ្ឋកិច្ច ដើម្បីបង្កើតជំហានឆ្ពោះទៅមុខយ៉ាងពិតប្រាកដ ជាពិសេសនៅក្នុងវិស័យនៃការផ្លាស់ប្តូរឌីជីថល ការច្នៃប្រឌិត ការតភ្ជាប់ថាមពល និងការសាងសង់មជ្ឈមណ្ឌលទិន្នន័យ។

ភាគីទាំងពីរបានអះអាងថា នឹងសម្របសម្រួល និងគាំទ្រម៉ាឡេស៊ី ដើម្បីបំពេញតួនាទីជាប្រធានអាស៊ានឆ្នាំ២០២៥ ដោយជោគជ័យ ពង្រឹងសាមគ្គីភាពអាស៊ាន

ភាគីទាំងពីរក៏បានឯកភាពបន្តសម្របសម្រួលយ៉ាងជិតស្និទ្ធលើវិស័យសំខាន់ៗផ្សេងទៀត ដូចជាសន្តិសុខ និងការពារជាតិ ការបណ្តុះបណ្តាលធនធានមនុស្សប្រកបដោយគុណភាពខ្ពស់ និងបានបញ្ជាក់ពីការគាំទ្រគ្នាទៅវិញទៅមកក្នុងការឈរឈ្មោះជាបេក្ខជនសម្រាប់តំណែងនានានៅអង្គការអន្តរជាតិ។

ភាគីទាំងពីរបានអះអាងថា នឹងសម្របសម្រួល និងគាំទ្រម៉ាឡេស៊ី ដើម្បីបំពេញតួនាទីជាប្រធានអាស៊ានឆ្នាំ២០២៥ ដោយជោគជ័យ ហើយទន្ទឹមនឹងនោះ ផ្លាស់ប្តូរវិធានការពង្រឹងសាមគ្គីភាពអាស៊ាន និងយកចិត្តទុកដាក់សមស្របចំពោះការអភិវឌ្ឍន៍ប្រកបដោយចីរភាពរបស់អាស៊ាន រួមទាំងការលើកកម្ពស់បណ្តាញតភ្ជាប់អគ្គិសនី រួមចំណែកយ៉ាងសកម្មដល់អាស៊ានមួយខ្លួនទីពឹងខ្លួន វិបុលភាព និងការអភិវឌ្ឍន៍ប្រកបដោយចីរភាព ក៏ដូចជាការលើកកម្ពស់តួនាទីមជ្ឈភាពរបស់អាស៊ានក្នុងការលើកកម្ពស់ការដោះស្រាយបញ្ហាក្នុងតំបន់៕

បកប្រែដោយ Thanh Cong