ជំរុញទំនាក់ទំនងវៀតណាម-ន័រវេសឲ្យអភិវឌ្ឍប្រកបដោយប្រសិទ្ធភាព និងជាក់ស្ដែង
កប.អនឡាញ - នារសៀលថ្ងៃទី២០ ខែមករា នៅទីស្នាក់ការក្រសួងការបរទេស លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម បានទទួលជួបគណៈប្រតិភូសមាជិកសភាន័រវេស ដឹកនាំដោយលោកស្រី Aslaug Sem-Jacobsen អនុប្រធានគណៈកម្មាធិការអចិន្ត្រៃយ៍នៃសភាស្តីពីបញ្ហាវប្បធម៌ និងគ្រួសារន័រវេស ដែលកំពុងបំពេញទស្សនកិច្ចការងារនៅវៀតណាម។
នៅក្នុងជំនួបនេះ លោកស្រី Le Thi Thu Hang បានអះអាងថា វៀតណាមវាយតំលៃខ្ពស់ចំពោះទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យជាមួយន័រវែស ហើយអបអរសាទរចំពោះភាគីទាំងពីរចុះហត្ថលេខាលើលិខិតបញ្ជាក់បំណងស្ដីពីការបង្កើតទំនាក់ទំនងដៃគូយុទ្ធសាស្ត្របៃតងវៀតណាម-ន័រវែស ដើម្បីពង្រឹងកិច្ចសហប្រតិបត្តិការក្នុងការធ្វើបរិវត្តកម្មបៃតង សេដ្ឋកិច្ចវិលជុំ និងការសម្របខ្លួនទៅនឹងការប្រែប្រួលអាកាសធាតុ។
    |
 |
|
ទិដ្ឋភាពនៃជំនួប (រូបថត៖ quochoi.vn) |
លោកស្រីអនុរដ្ឋមន្ត្រីបានស្នើឲ្យសមាជិកសភាន័រវេស គាំទ្រវៀតណាមក្នុងការដកកាតលឿងក្នុងការនេសាទខុសច្បាប់ គ្មានរបាយការណ៍ និងគ្មានការអនុញ្ញាត (IUU) នៃគណៈកម្មការអឺរ៉ុប (EC) ចំពោះការនាំចេញជលផលរបស់វៀតណាម ជួយវៀតណាមចិញ្ចឹមវារីវប្បកម្មប្រកបដោយនិរន្តរភាព។ រីឯខ្លួនវិញ លោកស្រី Sem-Jacobsen បានអះអាងថា ការប្តេជ្ញាចិត្តយ៉ាងមុតមាំរបស់សភាន័រវេស ក្នុងការជំរុញទំនាក់ទំនងជាមួយវៀតណាមឲ្យអភិវឌ្ឍប្រកបដោយប្រសិទ្ធភាព និងជាក់ស្ដែង។
ភាគីទាំងពីរបានពិភាក្សាលើបញ្ហាអន្តរជាតិ និងតំបន់ដែលមានការយកចិត្តទុកដាក់ដូចគ្នា ឯកភាពលើតម្រូវការបង្កើនកិច្ចសហការដោះស្រាយបញ្ហាប្រឈមជាសាកល គាំទ្រការដោះស្រាយជម្លោះនៅសមុទ្រខាងកើតដោយសន្តិវិធី ស្របតាមច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ រួមចំណែកធានាសន្តិសុខ សុវត្ថិភាព និងសេរីភាពនៃការធ្វើនាវាចរណ៍ ពង្រឹងសន្តិភាព ស្ថិរភាព និងវិបុលភាពក្នុងតំបន់ និងពិភពលោក៕
បកប្រែដោយ Thuy Anh