កិច្ចព្រមព្រៀងលើកលែងទិដ្ឋាការ វៀតណាម-បេឡារុស្ស ចូលជាធរមានចាប់ពីថ្ងៃទី ៣០ ខែមករា

អាស្រ័យហេតុនេះ ប្រជាពលរដ្ឋនៃប្រទេសទាំងពីរដែលកាន់លិខិតឆ្លងដែនធម្មតាត្រូវបានលើកលែងទិដ្ឋាការរយៈពេល ៣០ ថ្ងៃសម្រាប់ការអន្តោប្រវេសន៍នីមួយៗ; រយៈពេលសរុបនៃការស្នាក់នៅក្នុងទឹកដីនៃភាគីម្ខាងទៀតមិនលើសពី ៩០ ថ្ងៃក្នុងរយៈពេលមួយឆ្នាំ។

លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម និងលោក Evgeny Shestakov អនុរដ្ឋមន្ត្រីក្រសួងការបរទេសបេឡារុស បានចុះហត្ថលេខាជាផ្លូវការលើកិច្ចព្រមព្រៀងលើកលែងទិដ្ឋាការសម្រាប់អ្នកកាន់លិខិតឆ្លងដែនធម្មតារវាងវៀតណាម និងបេឡារុស្ស នៅថ្ងៃទី ៨ ខែធ្នូ ឆ្នាំ២០២៣ (រូបថត៖ baochinhphu.vn)

ការចុះហត្ថលេខាលើកិច្ចព្រមព្រៀងនេះគឺជាជំហានថ្មីឆ្ពោះទៅមុខក្នុងទំនាក់ទំនងមិត្តភាពប្រពៃណីរវាងប្រទេសទាំងពីរ ទន្ទឹមនឹងនោះបើកឱកាសសម្រាប់កិច្ចសហប្រតិបត្តិការលើវិស័យជាច្រើន។ នេះជាកិច្ចខិតខំប្រឹងប្រែងរបស់រដ្ឋាភិបាលវៀតណាមក្នុងការបង្កើតលក្ខខណ្ឌអំណោយផលសម្រាប់ភ្ញៀវទេសចរអន្តរជាតិនិយាយរួម និងភ្ញៀវទេសចរបេឡារុស្សនិយាយដោយឡែកមកវៀតណាម រួមចំណែកអភិវឌ្ឍទេសចរណ៍ បង្កើនកិច្ចសហប្រតិបត្តិការ និងផ្លាស់ប្តូរវប្បធម៌ស្វែងរកទីផ្សារ និងជំរុញការអភិវឌ្ឍទំនាក់ទំនងទ្វេភាគីលើវិស័យជាច្រើន។ កិច្ចព្រមព្រៀងនេះក៏បង្ហាញពីបំណងប្រាថ្នារបស់រដ្ឋាភិបាលវៀតណាមក្នុងការបង្កើតយន្តការអន្តោប្រវេសន៍សមស្របដោយឈរលើមូលដ្ឋាននៃការទៅវិញទៅមក និងលើកលែងទិដ្ឋាការទ្វេភាគីជាមួយប្រទេសជាដៃគូសមស្រប ដើម្បីបង្កើតលក្ខខណ្ឌអំណោយផលទៅវិញទៅមកសម្រាប់ការធ្វើដំណើររបស់ប្រជាជនទាំងសងខាង៕

បកប្រែដោយ Huyen Trang