មហោស្រពសិស្ស និស្សិតទូទាំងប្រទេស "Connect Fest 2025"

នាព្រឹកថ្ងៃទី ៥ មករា នៅសួនច្បារ Thong Nhat ទីក្រុងហាណូយ សិស្ស និស្សិតចូលរួមមហោស្រពសិស្សនិងនិស្សិតទូទាំងប្រទេស “Connect Fest 2025” ដោយមានសកម្មភាពគួរឱ្យទាក់ទាញជាច្រើនដូចជា ការប្រកួតរត់ប្រណាំង Connect Fest 2025; ការប្រកួតស្វែងយល់អំពី ៧៥ ឆ្នាំនៃទិវាប្រពៃណីសិស្ស និស្សិត និងសមាគមនិស្សិតវៀតណាម, កម្មវិធី "មោទនភាពក្នុងនាមជាសិស្ស និស្សិតវៀតណាមមានអត្តសញ្ញាណ សេចក្តីប្រាថ្នា, ស្ថាបនិកអនាគតនិងកសាងប្រទេស", កម្មវិធី "ខ្ញុំជាសិស្ស - និស្សិតវៀតណាម”។

សកម្មភាពជាច្រើនសម្រាប់សិស្ស និងនិស្សិត

ទន្ទឹមនឹងនោះ សិស្ស និស្សិត ក៏បានចូលរួមល្បែងប្រជាប្រិយ ផ្សារភ្ជាប់នឹងការអប់រំវប្បធម៌ សីលធម៌ និងរបៀបរស់នៅលើកកម្ពស់ស្មារតីនៃការសិក្សា ភាពច្នៃប្រឌិត ស្ម័គ្រចិត្តដើម្បីសហគមន៍ លើកកំពស់កាយសម្បទា និងបង្កើនជំនាញសមាហរណកម្ម។

ក្នុងឱកាសបុណ្យចូលឆ្នាំថ្មីប្រពៃណីជាតិ និងកម្មវិធី “និទាឃរដូវព្រំដែន - ​បុណ្យចូលឆ្នាំថ្មីនៅកោះសមុទ្រ” ឆ្នាំ២០២៥ សមាគមនិស្សិតវៀតណាមបានបំផុសចលនា និងប្រមូលធនធានពីសមាគមនិស្សិតមកពីខេត្ត ក្រុងក្នុងប្រទេស រួមនឹងសមាគមនិស្សិតវៀតណាមនៅឯបរទេសក្នុងគោលបំណងជួយឧបត្ថម្ភកុមារនិងប្រជាពលរដ្ឋជួបការលំបាក៕

បកប្រែដោយ Pham Diep