ពិធីលៀងសាយភោជន៍ក្នុងឱកាសខួបលើកទី ៧៥ នៃការបង្កើតទំនាក់ទំនងការទូតរវាងចិន និងវៀតណាម

ថ្លែងមតិក្នុងពិធី លោក He Wei ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំវៀតណាម បានសង្កត់ធ្ងន់លើ "សម័យកាលមាស" ចំនួនពីរក្នុងទំនាក់ទំនងរវាងប្រទេសទាំងពីរ។ សម័យកាលមាសដំបូង គឺជាចំណងមិត្តភាពប្រពៃណី “ជាសមមិត្តផង និងជាបងប្អូនផង” ជាមូលដ្ឋានសម្រាប់ការបង្កើត និងការអភិវឌ្ឍទំនាក់ទំនងរវាងប្រទេសទាំងពីរ ហើយបន្ទាប់មកត្រូវបានពង្រឹង និងពង្រីកដោយឥតឈប់ឈរក្នុងបុព្វហេតុតស៊ូដើម្បីឯករាជ្យជាតិ រំដោះប្រទេសជាតិ និងកសាងសង្គមនិយមរបស់ភាគីទាំងពីរ។ សម័យកាលមាសទីពីរគឺសហគមន៍ចែករំលែកអនាគតចិន-វៀតណាម ដែលបានបង្កើតកម្លាំងចលករថ្មីសម្រាប់កិច្ចសហប្រតិបត្តិការយុទ្ធសាស្ត្រលើគ្រប់ជ្រុងជ្រោយចិន-វៀតណាមក្នុងសម័យថ្មី។ លោក He Wei បានអះអាងថា ក្រោមការដឹកនាំរបស់បក្សទាំងពីរ និងរដ្ឋាភិបាលទាំងពីរ ប្រទេសទាំងពីរសម្រេចបានសមិទ្ធិផលជាច្រើនក្នុងការអភិវឌ្ឍសេដ្ឋកិច្ចសង្គមគួរឲ្យសរសើរ។

ប្រតិភូចូលរួមពិធីលៀងសាយភោជន៍

លោក Nguyen Xuan Thang សមាជិកការិយាល័យនយោបាយ ប្រធានក្រុមប្រឹក្សាទ្រឹស្តីមជ្ឈិម នាយកវិទ្យាស្ថាននយោបាយជាតិហូជីមិញ បានអះអាងថា ក្នុងរយៈពេល ៧៥ ឆ្នាំកន្លងមកនេះ ចំណងសាមគ្គីភាព មិត្តភាព និងកិច្ចសហប្រតិបត្តិការជាលំហូរសំខាន់ក្នុងទំនាក់ទំនងវៀតណាម-ចិន។ បក្ស រដ្ឋ និងប្រជាជនវៀតណាមតែងតែចាត់ទុកការអភិវឌ្ឍទំនាក់ទំនងភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយជាមួយចិនជាគោលនយោបាយឥតងាករេ ជាជម្រើសយុទ្ធសាស្ត្រ និងជាអាទិភាពកំពូលក្នុងគោលនយោបាយកិច្ចការបរទេសឯករាជ្យ ខ្លួនទីពឹងខ្លួន ពហុភាគីភាវូបនីយកម្ម ការធ្វើពិពិធកម្ម ជាមិត្ត ជាដៃគូដែលគួរឲ្យទុកចិត្តបាន និងជាសមាជិកមានទំនួលខុសត្រូវក្នុងសហគមន៍អន្តរជាតិរបស់វៀតណាម... វៀតណាមវាយតំលៃខ្ពស់ចំពោះចិនដែលចាត់ទុកវៀតណាមជាអាទិភាព និងជាជម្រើសយុទ្ធសាស្ត្រក្នុងគោលនយោបាយកិច្ចការបរទេសចំពោះប្រទេសជិតខាង៕

បកប្រែដោយ Thuy Anh