សិក្ខាសាលាទ្រឹស្តីលើកទី ១៩ រវាងបក្សកុម្មុយនិស្តវៀតណាម និងបក្សកុម្មុយនិស្តចិន

គណៈប្រតិភូបក្សកុម្មុយនិស្តវៀតណាមដឹកនាំដោយលោក Nguyen Xuan Thang សមាជិកការិយាល័យនយោបាយ ប្រធានក្រុមប្រឹក្សាទ្រឹស្តីមជ្ឈិម នាយកវិទ្យាស្ថាននយោបាយជាតិហូជីមិញ។ គណៈប្រតិភូបក្សកុម្មុយនិស្តចិនដឹកនាំដោយលោក Li Shulei សមាជិកការិយាល័យនយោបាយ លេខានៃលេខាធិការដ្ឋាន និងជាប្រធានគណៈឃោសនាមជ្ឈិមនៃបក្សកុម្មុយនិស្តចិន។

លោក Nguyen Xuan Thang បានជួបសន្ទនាជាមួយលោក Li Shulei ប្រធានឃោសនាមជ្ឈិមនៃបក្សកុម្មុយនិស្តចិន (រូបថត៖ vnanet.vn)

លោក Nguyen Xuan Thang បានវាយតំលៃខ្ពស់ចំពោះសិក្ខាសាលាលើកនេះ ដោយបានកំណត់ប្រធានបទជាក់ស្តែង រួមចំណែកបង្កើនការយល់ដឹង និងពង្រឹងការជឿទុកចិត្តផ្នែកនយោបាយនៅកម្រិតកម្ពស់ថ្មីមួយរវាងបក្សទាំងពីរ និងប្រទេសទាំងពីរ។ លោក Nguyen Xuan Thang បានចែករំលែកអំពីទិសដៅសំខាន់ៗដើម្បីកែលម្អស្ថាប័នក្នុងវិស័យនយោបាយ សេដ្ឋកិច្ច សង្គម វប្បធម៌ បរិស្ថានអេកូឡូស៊ី ការពារជាតិ សន្តិសុខ និងកិច្ចការបរទេស។ល។

លោក Li Shulei បានណែនាំអំពីគោលដៅទូទៅ វិធីសាស្រ្តនៃការអនុវត្ត និងសមិទ្ធិផលដែលប្រទេសចិនសម្រេចបានក្នុងដំណើរការកសាង និងកែលម្អស្ថាប័ន ជាពិសេសខ្លឹមសារថ្មីដែលបានអនុម័តនៅមហាសន្និបាតលើកទី២០ និងកិច្ចប្រជុំលើកទី៣ នៃគណៈកម្មាធិការមជ្ឈិម នីតិកាលទី២០។

ថ្នាក់ដឹកនាំនៃគណៈប្រតិភូទាំងពីរបានបញ្ជាក់ពីសារៈសំខាន់នៃការពង្រឹងការផ្លាស់ប្តូរទ្រឹស្តីរវាងបក្សទាំងពីរ ដោយចាត់ទុកថា នេះជាឱកាសសម្រាប់ភាគីទាំងពីរចែករំលែកសមិទ្ធិផលទ្រឹស្តី និងបទពិសោធន៍ជាក់ស្តែងក្នុងការដឹកនាំ និងរៀបចំការអនុវត្តគោលនយោបាយ និងគោលការណ៍សំខាន់ៗរបស់បក្ស ស្តីពីការកសាង និងកែលម្អស្ថាប័ន ប្រកបដោយប្រសិទ្ធភាព បម្រើការអភិវឌ្ឍរបស់បក្សនីមួយៗ និងប្រទេសនីមួយៗ។

* នាថ្ងៃដដែល លោក Nguyen Xuan Thang បានជួបសន្ទនាជាមួយលោក Li Shulei ប្រធានគណៈឃោសនាមជ្ឈិមនៃបក្សកុម្មុយនិស្តចិន៕

បកប្រែដោយ Huyen Trang