គណៈកម្មាធិការអចិន្ត្រៃយ៍នៃរដ្ឋសភាបានយល់ព្រមដាក់ជូនរដ្ឋសភានូវគម្រោងបង្កើតទីក្រុង Hue ចំណុះមជ្ឈិម

មុនពេលដែលប្រធានរដ្ឋសភាវៀតណាមលោក Tran Thanh Man ថ្លែងសុន្ទរកថាបិទសម័យប្រជុំ គណៈកម្មាធិការអចិន្ត្រៃយ៍រដ្ឋសភាបានពិភាក្សា និងឯកភាពខ្ពស់ចំពោះគម្រោងបង្កើតទីក្រុង Hue ចំណុះមជ្ឈិម ដើម្បីដាក់ជូនរដ្ឋសភាធ្វើការពិនិត្យនិងអនុម័តក្នុងសម័យប្រជុំលើកទី ៨ នាពេលខាងមុខ។

ទិដ្ឋភាពទូទៅនៃសម័យប្រជុំ។ រូបថត៖ quochoi.vn

ផែនការបង្កើតទីក្រុង Hue ចំណុះមជ្ឈិមគឺផ្អែកលើស្ថានភាពបច្ចុប្បន្ននៃផ្ទៃដីធម្មជាតិចំនួន ៤.៩០០ គីឡូម៉ែត្រការ៉េ និងចំនួនប្រជាជនប្រមាណ ១ លាន ២៣៦ ពាន់នាក់។ គណៈកម្មាធិការអចិន្ត្រៃយ៍រដ្ឋសភាបានឯកភាពខ្ពស់លើភាពចាំបាច់ក្នុងការបង្កើតទីក្រុង Hue ចំណុះមជ្ឈិម។ អនុប្រធានរដ្ឋសភា លោក Tran Quang Phuong បានឲ្យដឹងថា៖ “ការបង្កើតទីក្រុង Hue ចំណុះមជ្ឈិម មិនត្រឹមតែជាមោទនភាពផ្ទាល់ខ្លួនរបស់ប្រជាជនខេត្ត Thua Thien Hue ប៉ុណ្ណោះទេ ថែមទាំងជាមោទនភាពរួមរបស់បក្ស កងទ័ព និងប្រទេសជាតិទាំងមូល បន្ទាប់ពីដំណើរការអាភិវឌ្ឍនៃប្រវត្តិសាស្ត្រជាតិ ក៏ដូចជាការអភិវឌ្ឍន៍របស់ខេត្ត Thua Thien Hue ផងដែរ”។

បិទបញ្ចប់សម័យប្រជុំលើកទី៣៧ ប្រធានរដ្ឋសភា លោក Tran Thanh Man បានលើកច្បាស់ថា គណៈកម្មាធិការអចិន្ត្រៃយ៍រដ្ឋសភាបានបង្ហើយកម្មវិធីដែលបានដាក់ចេញ៕

តាម vovworld.vn