រដ្ឋសភាវៀតណាម និងឡាវសហការជាប្រចាំដើម្បីបង្កើតរបកគំហើញលើគ្រប់វិស័យ

នៅក្នុងកិច្ចពិភាក្សា លោក Nguyen Duc Hai អនុប្រធានរដ្ឋសភាវៀតណាម បានអបអរសាទរចំពោះសមិទ្ធិផលសំខាន់ៗដែលប្រជាជនឡាវសម្រេចបាននាពេលកន្លងមកដូចជា សន្តិសុខ និងស្ថិរភាពនយោបាយត្រូវបានរក្សាដ៏រឹងមាំ។ សេដ្ឋកិច្ចមាននិន្នាការកើនឡើងកាន់តែប្រសើរ ផលិតផលក្នុងស្រុកសរុបក្នុងរយៈពេល ៦ ខែដើមឆ្នាំ ២០២៤ កើនដល់ ៤,៧%។ ជាពិសេស រដ្ឋាភិបាល និងរដ្ឋសភាឡាវបានអនុម័ត និងអនុវត្តគោលនយោបាយជាច្រើន ដើម្បីអនុវត្តគោលដៅក្នុងរបៀបវារៈជាតិស្តីពីការដោះស្រាយការលំបាកសម្រាប់សេដ្ឋកិច្ច និងហិរញ្ញវត្ថុ។

លោក Nguyen Duc Hai អនុប្រធានរដ្ឋសភាវៀតណាម ជូនវត្ថុអនុស្សាវរីយ៍ដល់លោក Sommad Pholsena អនុប្រធានរដ្ឋសភាឡាវ (រូបថត៖ vnanet.vn)

លោក Nguyen Duc Hai ឲ្យដឹងថា​ ទន្ទឹមនឹងការអភិវឌ្ឍន៍ទំនាក់ទំនងល្អរវាងប្រទេសទាំងពីរ កិច្ចសហប្រតិបត្តិការរវាងរដ្ឋសភាវៀតណាម និងរដ្ឋសភាឡាវមានការអភិវឌ្ឍឥតឈប់ឈរ និងកាន់តែប្រសិទ្ធភាពជាក់ស្ដែង។  ភាគីទាំងពីរកំពុងសម្របសម្រួលយ៉ាងសកម្មដើម្បីអនុវត្តកិច្ចព្រមព្រៀងសហប្រតិបត្តិការរវាងរដ្ឋសភាវៀតណាម និងឡាវដែលបានចុះហត្ថលេខាក្នុងខែឧសភា ឆ្នាំ២០២២។ ទំនាក់ទំនងសហប្រតិបត្តិការរវាងរដ្ឋសភាទាំងពីរបន្តត្រូវបានលើកកំពស់ប្រកបដោយប្រសិទ្ធភាព រួមចំណែកយ៉ាងសំខាន់ក្នុងទំនាក់ទំនងរួមរវាងប្រទេសទាំងពីរ តាមរយៈការផ្លាស់ប្តូរបទពិសោធន៍ សិក្ខាសាលា និងការពិភាក្សាក្នុងការងារនីតិប្បញ្ញត្តិ ត្រួតពិនិត្យ រួមចំណែកជួយស្ដារសេដ្ឋកិច្ចឡើងវិញ បន្ទាប់ពីជំងឺរាតត្បាត។ ភាគីទាំងពីររក្សាការផ្លាស់ប្តូរគណៈប្រតិភូជាន់ខ្ពស់ ផ្លាស់ប្តូរបទពិសោធន៍  និងពិភាក្សានៅថ្នាក់គណៈកម្មាធិការរដ្ឋសភា និងរវាងក្រុមសមាជិកសភាមិត្តភាពនៃប្រទេសទាំងពីរ។ ជាពិសេស កិច្ចប្រជុំកំពូលលើកទី ១ រវាងរដ្ឋសភានៃប្រទេសទាំងបី កម្ពុជា-ឡាវ-វៀតណាម ដែលប្រព្រឹត្តិទៅនៅប្រទេសឡាវ កាលពីខែធ្នូ ឆ្នាំ២០២៣ គឺជាជំហានដ៏សំខាន់លើកកំពស់កិច្ចសហប្រតិបត្តិការរវាងស្ថាប័ននីតិប្បញ្ញត្តិទាំងបី រួមចំណែកធ្វើឱ្យប្រសើរនូវយន្តការកិច្ចសហប្រតិបត្តិការកម្រិតខ្ពស់នៃប្រទេសទាំងបីនៅបណ្តាញបក្ស រដ្ឋាភិបាល និងរដ្ឋសភា។

ទិដ្ឋភាពនៃកិច្ចពិភាក្សា​ (រូបថត៖ vnanet.vn)

ថ្លែងមតិក្នុងកិច្ចពិភាក្សានេះ លោក Sommad Pholsena អនុប្រធានរដ្ឋសភាឡាវ បានឲ្យដឹងថា ដំណើរទស្សនកិច្ចលើកនេះ គឺជាការអនុវត្តកិច្ចព្រមព្រៀងសហប្រតិបត្តិការរវាងរដ្ឋសភាទាំងពីរ។ ទន្ទឹមនឹងនោះ ផ្លាស់ប្តូរបទពិសោធន៍ក្នុងវិស័យហិរញ្ញវត្ថុ សេដ្ឋកិច្ច និងសវនកម្ម។ ទាំងនេះគឺជាវិស័យដែលរដ្ឋសភាឡាវកំពុងយកចិត្តទុកដាក់យ៉ាងខ្លាំងក្នុងគោលបំណងកែលម្អប្រព័ន្ធច្បាប់ និងលើកកំពស់តួនាទីរបស់រដ្ឋសភាក្នុងការកសាង និងអនុម័តលើគោលនយោបាយដើម្បីជំរុញការអភិវឌ្ឍន៍សេដ្ឋកិច្ចសង្គមរបស់ប្រទេសឡាវ។

នាពេលខាងមុខ ភាគីទាំងពីរនឹងរក្សាការផ្លាស់ប្តូរយោបល់ និងជំនួបជាន់ខ្ពស់ជាប្រចាំលើគ្រប់បណ្តាញ លើកកម្ពស់ប្រសិទ្ធភាពនៃយន្តការនៃកិច្ចប្រជុំកំពូលរវាងការិយាល័យនយោបាយនៃប្រទេសទាំងពីរ និងកិច្ចប្រជុំនៃគណៈកម្មាធិការអន្តររដ្ឋាភិបាលនៃប្រទេសទាំងពីរ និងការផ្លាស់ប្តូរបទពិសោធន៍រវាងរដ្ឋសភាទាំងពីរ។ ភាគីទាំងពីរក៏បានឯកភាពអនុវត្តយ៉ាងសកម្មនូវកិច្ចព្រមព្រៀងសហប្រតិបត្តិការថ្មីរវាងរដ្ឋសភានៃប្រទេសទាំងពីរ; ពិគ្រោះយោបល់ និងគាំទ្រគ្នាទៅវិញទៅមកនៅវេទិកាអន្តរសភាពហុភាគីក្នុងតំបន់ និងអន្តរជាតិ។ បន្តសហការគ្នាដើម្បីបង្កើតរបកគំហើញលើគ្រប់វិស័យ ជាពិសេសកិច្ចសហប្រតិបត្តិការសេដ្ឋកិច្ច​។

ភាគីទាំងពីរបានឯកភាពបន្តខិតខំប្រឹងប្រែងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទៅជាសសរស្តម្ភដ៏សំខាន់មួយ ដែលសក្តិសមជាមួយទំនាក់ទំនងនយោបាយ ហើយមានយន្តការគោលនយោបាយសមស្រប និងមានប្រសិទ្ធភាពដើម្បីជំរុញពាណិជ្ជកម្ម និងវិនិយោគរវាងប្រទេសទាំងពីរ ផ្តោតសំខាន់លើការតភ្ជាប់សេដ្ឋកិច្ចទាំងពីរ ជាពិសេសហេដ្ឋារចនាសម្ព័ន្ធដឹកជញ្ជូន...

បកប្រែដោយ Thanh Cong