ស្ថានទូតវៀតណាមនៅឯបរទេសរៀបចំពិធីគោរពវិញ្ញាណក្ខ័ន្ធនិងបើកសៀវភៅកាន់ទុក្ខលោកអគ្គលេខាបក្ស Nguyen Phu Trong

លេខាទីមួយនៃគណៈកម្មាធិការមជ្ឈិមបក្សកុម្មុយនិស្ត ប្រធានរដ្ឋនៃសាធារណរដ្ឋគុយបា លោក Miguel Díaz-Canel Bermúdez សរសេរសៀវភៅកាន់ទុក្ខលោកអគ្គលេខាបក្ស Nguyen Phu Trong។ រូបថត៖ Viet Hung/TTXVN

ស្ថានទូតវៀតណាមប្រចាំនៅអេហ្ស៊ីបកាលពីម្សិលមិញបានបង្ហូតទង់ជាតិពាក់កណ្តាល  ហើយបានរៀបចំពិធីគោរពវិញ្ញាណក្ខ័ន្ធ និងបើកសៀវភៅកាន់ទុក្ខ ដើម្បីរំលឹកដល់វិញ្ញាណក្ខ័ន្ធលោកអគ្គលេខាបក្ស Nguyen Phu Trong។ គណៈប្រតិភូការទូតនិងអន្តរជាតិជាច្រើននៅអេហ្ស៊ីប ក៏ដូចជាតំណាងវិមានប្រធានាធិបតីអេហ្ស៊ីប និងសម្ព័ន្ធអារ៉ាប់ (AL) បានទៅគោរពវិញ្ញាណក្ខ័ន្ធនិងសរសេរសៀវភៅកាន់ទុក្ខ រំលឹកវិញ្ញាណក្ខ័ន្ធលោកអគ្គលេខាបក្ស Nguyen Phu Trong។ ចូលរួមគោរពវិញ្ញាណក្ខ័ន្ធនិងសរសេរក្នុងសៀវភៅកាន់ទុក្ខរំលឹកវិញ្ញាណក្ខ័ន្ធលោកអគ្គលេខាបក្ស Nguyen Phu Trong ក៏មានឯកអគ្គរដ្ឋទូតជប៉ុន សិង្ហបុរី ហ្វីលីពីន កូរ៉េខាងជើង ប្រ៊ុយណេ រវ៉ាន់ដា... រួមជាមួយតំណាងស្ថានទូតថៃ ឥណ្ឌូនេស៊ី ស៊ីរី មីយ៉ាន់ម៉ា...ផងដែរ។

តំណាងវិមានប្រធានាធិបតីអេហ្ស៊ីបគោរពវិញ្ញាណក្ខន្ធលោកអគ្គលេខាបក្ស Nguyen Phu Trong។ រូបថត៖ VOV-Cairo

អគ្គលេខាបក្សកុម្មុយនិស្តអាហ្រ្វិកខាងត្បូង លោក Solly Mapaila គោរពវិញ្ញាណក្ខន្ធលោកអគ្គលេខាបក្ស Nguyen Phu Trong។ រូបថត៖ Hoang Minh/TTXVN

កាលពីរសៀលថ្ងៃទី ២៤ កក្កដា អគ្គលេខាបក្សកុម្មុយនិស្តអាហ្រ្វិកខាងត្បូង Solly Mapaila បានទៅស្ថានទូតវៀតណាមប្រចាំនៅទីក្រុង Pretoria ដើម្បីគោរពវិញ្ញាណក្ខន្ធ និងសរសេរសៀវភៅកាន់ទុក្ខ ចែករំលែកមរណៈទុក្ខចំពោះវិញ្ញាណក្ខន្ធលោកអគ្គលេខាបក្ស Nguyen Phu Trong។

កម្មាភិបាលទាំងអស់នៃស្ថានទូត និងទីភ្នាក់ងារតំណាងវៀតណាមប្រចាំនៅសហរដ្ឋអាមេរិក គោរពវិញ្ញាណក្ខន្ធលោកអគ្គលេខាបក្ស Nguyen Phu Trong។ រូបថត៖ VOV-Washington

នៅឯអាគ៌ាវៀតណាមនៅទីក្រុង Washington DC កាលពីម្សិលមិញ ស្ថានទូតវៀតណាមប្រចាំនៅសហរដ្ឋអាមេរិកបានប្រារព្ធពិធីគោរពវិញ្ញាណក្ខ័ន្ធ និងបើកសៀវភៅកាន់ទុក្ខលោកអគ្គលេខាបក្ស Nguyen Phu Trong។ តាងនាមក្រសួងការបរទេសអាមេរិក លោក Dan Kritenbrink ឧបការីរដ្ឋមន្ត្រីការបរទេសអាមេរិកបានអះអាងថា ចក្ខុវិស័យយុទ្ធសាស្ត្រ តួនាទីដឹកនាំ និងមនោសញ្ចេតនាដ៏ស្មោះត្រង់របស់លោកអគ្គលេខាបក្សគឺជាមូលដ្ឋានគ្រឹះសំខាន់សម្រាប់វៀតណាម និងអាមេរិក បង្កើនការជឿទុកចិត្តខាងនយោបាយកាន់តែស៊ីជម្រៅ និងសម្រេចបានសមិទ្ធិផលលេចធ្លោជាច្រើនទៀត៕

តាម vovworld.vn