ថ្លែងក្នុងជំនួបនេះ លោក Pham Minh Chinh អះអាងថា វៀតណាមវាយតំលៃខ្ពស់ និងយកចិត្តទុកដាក់យ៉ាងខ្លាំងចំពោះការអភិវឌ្ឍទំនាក់ទំនងសហប្រតិបត្តិការជាមួយ AIIB។ លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា វៀតណាមកំពុងជំរុញាការទម្លាយកយុទ្ធសាស្ត្រចំនួន ៣ ដែលក្នុងនោះ មានការអភិវឌ្ឍហេដ្ឋារចនាសម្ព័ន្ធយុទ្ធសាស្ត្រដូចជា ហេដ្ឋារចនាចរាចរណ៍ សុខាភិបាល ការអប់រំ វប្បធម៌ កីឡា និងការឆ្លើយតបនឹងបម្រែបម្រួលអាកាសធាតុ ហេដ្ឋារចនាសម្ព័ន្ធឌីជីថល ហេដ្ឋារចនាសម្ព័ន្ធអភិវឌ្ឍន៍បៃតង...

លោកនាយករដ្ឋមន្ត្រី បានបន្ថែមថា វៀតណាមមានតម្រូវការយ៉ាងធំធេងក្នុងមធ្យោបាយដឹកជញ្ជូនទាំង ៥ (ផ្លូវគោក ផ្លូវដែក ផ្លូវអាកាស ផ្លូវសមុទ្រ ផ្លូវទឹក) ប៉ុន្តែការវិនិយោគត្រូវតែផ្តោតលើគម្រោងសំខាន់ អាស្រ័យហេតុនេះ រួមចំណែកកាត់បន្ថយថ្លៃដើមដឹកជញ្ជូន និងលើកកម្ពស់ផលិតកម្ម និងធ្វើអាជីវកម្ម បង្កើតការងារសម្រាប់ប្រជាជន និងអភិវឌ្ឍន៍ប្រកបដោយចីរភាព។

leftcenterrightdel
លោកនាយករដ្ឋមន្ត្រី Pham Minh Chinh ទទួលជួបលោក Jin Liqun ប្រធានធនាគារវិនិយោគហេដ្ឋារចនាសម្ព័ន្ធអាស៊ី (AIIB) (រូបថត៖ vnanet.vn)

នាពេលខាងមុខ ដោយឈរលើគោលការណ៍ “ផលប្រយោជន៍រួម ហានិភ័យរួម” ភាគីទាំងពីរឈ្នះរួម លោកនាយករដ្ឋមន្ត្រី បានស្នើឱ្យ AIIB ផ្តល់យោបល់ ជួយឧបត្ថម្ភដើមទុនអនុគ្រោះសម្រាប់វៀតណាមក្នុងគម្រោងហេដ្ឋារចនាសម្ព័ន្ធក្នុងទ្រង់ទ្រាយធំនិងមានប្រសិទ្ធភាពខ្ពស់ ដូចជាការកសាងផ្លូវរថភ្លើងល្បឿនលឿនភាគខាងជើង-ភាគខាងត្បូង, ខ្សែផ្លូវរថភ្លើងភាគខាងជើងចំនួន ៣ តភ្ជាប់ទៅប្រទេសចិន និងឆ្លងកាត់ប្រទេសចិនតភ្ជាប់ជាមួយអឺរ៉ុប និងអាស៊ីកណ្តាល; ខ្សែផ្លូវរថភ្លើងក្នុងទីក្រុងហាណូយ និងទីក្រុងហូជីមិញ។

លោក Jin Liqun ប្រធានធនាគារវិនិយោគហេដ្ឋារចនាសម្ព័ន្ធអាស៊ី បានអបអរសាទរចំពោះសមិទ្ធិផលអភិវឌ្ឍន៍ និងកំណើនសេដ្ឋកិច្ចដ៏គួរឱ្យចាប់អារម្មណ៍របស់វៀតណាមនាពេលកន្លងមក ខណៈដែលសេដ្ឋកិច្ចពិភពលោកកំពុងប្រឈមមុខនឹងបញ្ហាជាច្រើន។

លោកប្រធាន Jin Liqun ក៏បានសម្តែងការគាំទ្រចំពោះសុន្ទរកថារបស់លោកនាយករដ្ឋមន្ត្រីនៅក្នុងវេទិកាសេដ្ឋកិច្ចពិភពលោក (WEF) នៅទីក្រុង Dalian នាពេលកន្លងមក។ លោកប្រធាន Jin Liqun ឲ្យដឹងថា ធនាគារនេះនឹងចំណាយថវិកាប្រមាណ ៥ ពាន់លានដុល្លារអាមេរិក ជាមួយនឹងអត្រាការប្រាក់អនុគ្រោះ ព្រមទាំងយល់ព្រមជាមួយទិសដៅសហប្រតិបត្តិការដែលនាយករដ្ឋមន្ត្រីបានសង្កត់ធ្ងន់ ដែលក្នុងនោះ ផ្តោតលើគម្រោងធំៗ នីតិវិធីរហ័ស និងនាំមកនូវប្រសិទ្ធភាពខ្ពស់៕

បកប្រែដោយ Pham Diep