វៀតណាមខិតខំធានាអនាគតប្រកបដោយសុវត្ថិភាពជូនកុមារ

នៅក្នុងកិច្ចពិភាក្សា មតិភាគច្រើនបានសម្តែងការព្រួយបារម្ភអំពីនិន្នាការនៃការកើនឡើងយ៉ាងខ្លាំងនូវការរំលោភបំពានលើកុមារក្នុងជម្លោះ ដែលបណ្តាលឱ្យកុមារជាច្រើនត្រូវស្លាប់ របួស ឬបំបែក។ ទន្ទឹមនឹងនោះគឺជាស្ថានភាពកុមារដែលត្រូវបង្ខំឱ្យធ្វើជាទាហាន ក្លាយជាជនរងគ្រោះនៃអំពើហិង្សាផ្លូវភេទ និងត្រូវរារាំងក្នុងការទទួលបានមនុស្សធម៌។ ប្រទេសជាច្រើនថ្កោលទោសចំពោះទង្វើនៃការសម្លាប់កុមារក្នុងជម្លោះ និងការវាយប្រហារលើគ្រឹះស្ថានអប់រំ និងមណ្ឌលសុខភាព ដែលបានកើតឡើងនៅក្នុងតំបន់ជាច្រើននៅលើពិភពលោក។

លោក Nguyen Hoang Nguyen អនុប្រធានស្ថាន​បេសកកម្មអចិន្ត្រៃយ៍វៀតណាមប្រចាំនៅ អង្គការសហប្រជាជាតិ

ថ្លែងមតិក្នុងសម័យពិភាក្សា លោក Nguyen Hoang Nguyen អនុប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានសង្កត់ធ្ងន់ថា អាទិភាពកំពូលរបស់សហគមន៍អន្តរជាតិក៏ដូចជាប្រទេសនីមួយៗគឺការដោះស្រាយឫសគល់នៃជម្លោះតាមរយៈការជំរុញការអភិវឌ្ឍប្រកបដោយចីរភាព ជួយកុមារឱ្យជៀសផុតពីផលវិបាកនៃសង្គ្រាម និងអំពើហិង្សា។ តំណាងវៀតណាមបានអះអាងថា ការធានាការគោរពធម្មនុញ្ញអង្គការសហប្រជាជាតិ ច្បាប់អន្តរជាតិ និងច្បាប់មនុស្សធម៌អន្តរជាតិ មានសារសំខាន់ក្នុងការងារការពារកុមារ។ គ្រប់ភាគីនៃជម្លោះត្រូវតែគោរពតាមកាតព្វកិច្ចនៃច្បាប់អន្តរជាតិ និងសេចក្តីសម្រេចចិត្តពាក់ព័ន្ធរបស់អង្គការសហប្រជាជាតិ រួមទាំងសេចក្តីសម្រេចចិត្តលេខ ២៥៧៣ ក្រុមប្រឹក្សាសន្តិសុខលេខ ២៥៧៣ (ឆ្នាំ២០២១) ដែលលើកឡើងដោយវៀតណាមស្តីពីការការពារជនស៊ីវិល និងហេដ្ឋារចនាសម្ព័ន្ធស៊ីវិលសំខាន់ៗ។

ក្នុងឱកាសនេះ វៀតណាមបានអះអាងថា នឹងសហការយ៉ាងជិតស្និទ្ធជាមួយសហគមន៍អន្តរជាតិ អង្គការសហប្រជាជាតិ និងភាគីពាក់ព័ន្ធនានាក្នុងការទប់ស្កាត់ និងដោះស្រាយជម្លោះ រួមចំណែកធានាសុវត្ថិភាព និងអនាគតល្អសម្រាប់កុមារទាំងអស់លើពិភពលោក៕

បកប្រែដោយ Duy Hoan