លោក Tran Thanh Man ប្រធានរដ្ឋសភា អញ្ជើញជួបជាមួយលោក Vladimir Putin ប្រធានាធិបតីសហព័ន្ធរុស្ស៊ី

ចំពោះកិច្ចសហប្រតិបត្តិការអន្តរសភា លោកប្រធានរដ្ឋសភាបានអះអាងថា នេះគឺជាសសរស្តម្ភមួយដ៏សំខាន់ក្នុងទំនាក់ទំនងមិត្តភាព និងកិច្ចសហប្រតិបត្តិការ រវាងវៀតណាមនិងសហព័ន្ធរុស្ស៊ី ហើយសង្ឃឹមថា លោកប្រធានាធិបតី V.Putin នឹងបន្តគាំទ្រ និងលើកកម្ពស់ទំនាក់ទំនងរវាងសភានៃប្រទេសទាំងពីរ។

លោក Tran Thanh Man អញ្ជើញជួបជាមួយលោក Vladimir Putin

លោក Vladimir Putin បានសង្កត់ធ្ងន់ថា កិច្ចសហប្រតិបត្តិការអន្តរសភា និងកិច្ចសហប្រតិបត្តិការរវាងបក្សនយោបាយនៃប្រទេសទាំងពីរមានសារៈសំខាន់ខ្លាំងណាស់ ដែលជាមូលដ្ឋានដ៏ល្អសម្រាប់ជំរុញទំនាក់ទំនងរវាងសភាទាំងពីរ កសាងច្រករបៀងផ្លូវច្បាប់ និងមូលដ្ឋានច្បាប់ ដើម្បីពង្រឹងទំនាក់ទំនងរវាងវៀតណាម និងសហព័ន្ធរុស្ស៊ី។ លោកប្រធានាធិបតី Putin បានអះអាងថា អាទិភាពរបស់សហព័ន្ធរុស្ស៊ីគឺជំរុញទំនាក់ទំនងជាមួយសមាគមប្រជាជាតិអាស៊ីអាគ្នេយ៍ (អាស៊ាន) ដោយចាត់ទុកថា កិច្ចសហប្រតិបត្តិការនេះនឹងបង្កើតបរិយាកាសសម្រាប់ការអភិវឌ្ឍនៃភាគីទាំងពីរ៕

តាម vovworld.vn