ប្រធានរដ្ឋសភាគុយបា៖ “ចំណងសាមគ្គីភាពគុយបា-វៀតណាម ជានិមិត្តរូបនៃសម័យកាល”
កប.អនឡាញ - ប្រធានរដ្ឋសភាគុយបាបានអះអាងថា រដ្ឋសភាគុយបាតែងតែគាំទ្រដើម្បីលោកឯកអគ្គរដ្ឋទូតអាចបំពេញភារកិច្ចដែលរដ្ឋវៀតណាមប្រគល់ជូន។
នាថ្ងៃទី ២៦ មិនា នៅរដ្ឋធានី La Habana (គុយបា) លោក Le Quang Long ឯកអគ្គរដ្ឋទូតវៀតណាមប្រចាំនៅគុយបា បានអញ្ជើញចូលជួបសម្តែងការគួរសមជាមួយលោក Esteban Lazo Hernández ប្រធានរដ្ឋសភាគុយបា ក្នុងឱកាសលោកចាប់ផ្តើមបំពេញអាណត្តិការងាររបស់ខ្លួននៅប្រទេសគុយបា។
    |
 |
|
លោក Esteban Lazo Hernández ប្រធានរដ្ឋសភាគុយបា និងលោកឯកអគ្គរដ្ឋទូត Le Quang Long (ឆ្វេង)។ រូបថត៖ vnanet.vn |
ក្នុងជំនួបជាមួយលោកឯកអគ្គរដ្ឋទូត Le Quang Long លោក Esteban Lazo Hernández ប្រធានរដ្ឋសភាគុយបាបានអះអាងថា រដ្ឋសភាគុយបាតែងតែគាំទ្រលោកឯកអគ្គរដ្ឋទូតក្នុងការបំពេញភារកិច្ចដែលរដ្ឋវៀតណាមប្រគល់ជូន។ លោក Esteban Lazo Hernández បានលើកឡើងអំពីចំណងសាមគ្គីភាពពិសេសរវាងប្រជាជននៃប្រទេសទាំងពីរវៀតណាម និងគុយបា និងបានសង្កត់ធ្ងន់ថា ចំណងសាមគ្គីភាពរវាងគុយបា និងវៀតណាម ដែលពូនជ្រំដោយលោកប្រធានហូជីមិញ និងអគ្គមេបញ្ជាការ Fidel Castro និងបានកសាងឡើងដោយថ្នាក់ដឹកនាំ និងប្រជាជនគ្រប់ជំនាន នៃប្រទេសទាំងពីរនោះ វាជានិមិត្តរូបនៃសម័យកាល។
រីឯខ្លួនវិញ លោកឯកអគ្គរដ្ឋទូត Le Quang Long បានអះអាងថា វៀតណាមយកចិត្តទុកដាក់យ៉ាងខ្លាំងចំពោះចំណងសាមគ្គីភាពជាប្រវត្តិសាស្ត្រជាមួយគុយបា ហើយប្តេជ្ញាជំរុញទំនាក់ទំនង និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរនាពេលខាងមុខ៕
បកប្រែដោយ Duy Hoan