គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមបញ្ចប់ដោយជោគជ័យនូវកម្មវិធីជួបប្រាស្រ័យគ្នារវាង​នាយទាហានវ័យក្មេងវៀតណាម-ហ្វីលីពីន លើកទី២

ក្នុងកម្មវិធីជួប​ប្រាស្រ័យនេះ គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមបានជួបពិភាក្សាការងារជាមួយលោកឧត្តមសេនីយ៍ត្រី Potenciano C. Camba  នាយសេនាធិការនៃកងទ័ពជើងគោកហ្វីលីពីន លោកឧត្តមសេនីយ៍ត្រី Aristotle D Gonzalez នាយសេនាធិការនៃកងទ័ពជើងអាកាសហ្វីលីពីន និងលោកឧត្តមនាវីត្រី Jose MA Ambrosio Q Ezpeleta នាយសេនាធិការ នៃកងទ័ពជើងទឹកហ្វីលីពីន។

គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមពិភាក្សាជាមួយលោកគ្រូ អ្នកគ្រូ និងសិក្ខាកាម នៃសាលាបណ្តុះបណ្តាលអ្នកបើកយន្តហោះយោធាហ្វីលីពីន

ភាគីទាំងពីរបានពិភាក្សាអំពីបញ្ហានានាដែលមានការយកចិត្តទុកដាក់គ្នាដូចគ្នា ដូចជា ការលើកកំពស់តួនាទីរបស់នាយទាហានវ័យក្មេងក្នុងជួរកងទ័ពនិយាយរួម និងកម្លាំងនាយទាហានវ័យក្មេង នៃកងទ័ពជើងទឹក និងកងទ័ពជើងអាកាសនិយាយដោយឡែក ក្នុងការអនុវត្តភារកិច្ចកសាង និងអភិវឌ្ឍន៍ឧស្សាហកម្មការពារជាតិ ការអនុវត្តភារកិច្ចភស្តុភារ វិស័យ​ពេទ្យយោធា ការរុករក ជួយសង្គ្រោះ ជំនួយមនុស្សធម៌ និងការងារសង្គ្រោះគ្រោះមហន្តរាយធម្មជាតិ មាន​​គោលនយោយបាយលើកទឹកចិត្តដើម្បី​​នាយទាហានវ័យក្មេង​​បំពេញល្អភារកិច្ច ព្រមទាំង​លើកឡើងដំណោះស្រាយនានា​ដើម្បីកាត់បន្ថយផលប៉ះពាល់អវិជ្ជមានពីអ៊ីនធឺណិត និងបណ្តាញសង្គមមកលើនាយទាហានវ័យក្មេង។

គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាមបានពិភាក្សាជាមួយថ្នាក់ដឹកនាំនៃទីបញ្ជាការអប់រំ បណ្តុះបណ្តាល និងទ្រឹស្តីកងទ័ពជើងអាកាសហ្វីលីពីន

នាយទាហានវ័យក្មេងនៃកងទ័ពប្រជាជនវៀតណាមថតរូបអនុស្សាវរីយ៍ជាមួយថ្នាក់ដឹកនាំកងកម្លាំង​នាយទហានវ័យក្មេងនៃកងទ័ពជើងទឹកហ្វីលីពីន

នាពេលខាងមុខ គណៈប្រតិភូនាយទហានវ័យក្មេង នៃភាគីទាំងពីរសង្ឃឹមថា សកម្មភាពជួប​ប្រាស្រ័យ​នានានឹងត្រូវបានអនុវត្តជាប្រចាំដើម្បីបង្កើតមូលដ្ឋានសម្រាប់ភាគីទាំងពីរបន្តផ្លាស់ប្តូរខ្លឹមសារ​ និងទម្រង់ជួប​ប្រាស្រ័យ​គ្នា នាពេលខាងមុខ។

បកប្រែដោយ Duy Hoan