លោក Pham Minh Chinh នាយករដ្ឋមន្ត្រីវៀតណាម អញ្ជើញទៅសួរសុខទុក្ខ ជូនពរឆ្នាំថ្មីកងកម្លាំងដែលបំពេញភារកិច្ចក្នុងអំឡុងបុណ្យចូលឆ្នាំថ្មីប្រពៃណីជាតិនៅទីក្រុង Can Tho
កប.អនឡាញ - លោកនាយករដ្ឋមន្ត្រីបានស្នើឱ្យអាជ្ញាធរទីក្រុង Can Tho និងក្រុមហ៊ុននគររូបនីយកម្ម Can Tho ស្រាវជ្រាវកែលម្អជីវភាពខាងសម្ភារៈ និងស្មារតីរបស់កម្មករ និងនិយោជិត។
នារសៀលថ្ងៃទី ៤ កុម្ភៈ លោក Pham Minh Chinh នាយករដ្ឋមន្ត្រីវៀតណាម បានអញ្ជើញទៅសួរសុខទុក្ខ ជូនពរឆ្នាំថ្មី និងផ្តល់អំណោយលើកទឹកចិត្តជូនកងកម្លាំងដែលកំពុងបំពេញភារកិច្ចក្នុងអំឡុងបុណ្យចូលឆ្នាំថ្មីប្រពៃណីជាតិនៅទីក្រុង Can Tho។
|
|
លោក Pham Minh Chinh នាយករដ្ឋមន្ត្រីវៀតណាម ទៅសួរសុខទុក្ខ និងជូនអំណោយដល់កម្មករនៃក្រុមហ៊ុននគររូបនីយកម្ម Can Tho |
អញ្ជើញជួបសំណេះសំណាលសួរសុខទុក្ខ និងជូនពរឆ្នាំថ្មីដល់កម្មករនៃក្រុមហ៊ុននគររូបនីយកម្ម Can Tho និងកម្មករដែលកំពុងសាងសង់ទំនប់ទឹកលើទន្លេ Can Tho លោកនាយករដ្ឋមន្ត្រី Pham Minh Chinh បានសង្កត់ធ្ងន់លើបំណងចង់ឱ្យកម្មាភិបាល កម្មករ និយោជិតរបស់ក្រុមហ៊ុនឲ្យបន្តលើកកម្ពស់ស្មារតីស្នេហាជាតិ មានទំនួលខុសត្រូវ និងចូលរួមប្រឡងប្រណាំងបំពេញការងារ ដោយបង្កើតសន្ទុះថ្មី កម្លាំងចលករថ្មី និងសមិទ្ធិផលថ្មីក្នុងឆ្នាំ ២០២៤ និងពេលខាងមុខ រួមចំណែកធ្វើឱ្យទីក្រុង Can Tho ស្រស់ស្អាត និងសុវត្ថិភាព។
លោកនាយករដ្ឋមន្ត្រីបានស្នើរឲ្យអាជ្ញាធរទីក្រុង Can Tho និងក្រុមហ៊ុននគររូបនីយកម្ម Can Tho ស្រាវជ្រាវលើកកំពស់ជីវភាពខាងសម្ភារៈ និងស្មារតីរបស់កម្មករ និយោជិតរបស់ក្រុមហ៊ុន ជាពិសេសគ្រួសារដែលមានស្ថានភាពលំបាក និងគ្រួសារមានគុណបំណាច់ចំពោះបដិវត្តន៍។
នារសៀលថ្ងៃដដែល លោកនាយករដ្ឋមន្ត្រី Pham Minh Chinh បានអញ្ជើញទៅសួរសុខទុក្ខ និងជូនពរឆ្នាំថ្មីដល់កងកម្លាំងប្រដាប់អាវុធទីក្រុង Can Tho៕
បកប្រែដោយ Duy Hoan