ដំណើរទស្សនកិច្ចរបស់លោក Xi Jinping អគ្គលេខាបក្ស ប្រធានរដ្ឋចិន រួមចំណែកពង្រឹងទំនុកចិត្តផ្នែកនយោបាយរវាងវៀតណាម និងចិន

លោកអគ្គលេខាបក្ស Nguyen Phu Trong និងលោក Xi Jinping អគ្គលេខាបក្ស ប្រធានរដ្ឋចិន

អ្នកវិភាគបានសង្កត់ធ្ងន់លើសារៈសំខាន់នៃដំណើរទស្សនកិច្ចនាពេលខាងមុខក្នុង​បំណង​ពង្រឹងទំនាក់ទំនងរវាងប្រទេសជិតខាងទាំងពីរក្នុងឱកាសខួបលើកទី ១៥ នៃការបង្កើតទំនាក់ទំនងភាពដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម - ចិន។

កាសែត China Daily បានដកស្រង់សម្តីសាស្ត្រាចារ្យ Zhai Kun នៅឯសាកលវិទ្យាល័យប៉េកាំងថា ដំណើរទស្សនកិច្ចនេះនឹងបង្កើនទំនុកចិត្តផ្នែកនយោបាយ និងជំរុញកិច្ចសហប្រតិបត្តិការរវាងប្រទេសទាំងពីរ។ ទន្ទឹមនឹងនោះ អ្នកជំនាញ Zhu Feng នៅសាកលវិទ្យាល័យ Nanjing បាននិយាយថា ការពង្រឹងទំនាក់ទំនងរវាងចិន និងវៀតណាម ដែលជាប្រទេសដែលមានសេដ្ឋកិច្ចរីកចម្រើនយ៉ាងស្វាហាប់ នឹងនាំមកនូវប្រយោជន៍ជាក់ស្តែងបន្ថែមទៀតដល់ប្រជាជននៃប្រទេសទាំងពីរ៕

បកប្រែដោយ Duy Hoan