ពង្រឹងការកសាង និងពង្រីកទំនាក់ទំនងមិត្តភាពរវាងប្រជាជនវៀតណាម និងសហព័ន្ធរុស្ស៊ី

លោកឧបនាយករដ្ឋមន្ត្រី Tran Hong Ha ថ្លែងសុន្ទរកថាក្នុងមហាសន្និបាត

ថ្លែងមតិនៅមហាសន្និបាត លោកឧបនាយករដ្ឋមន្ត្រី Tran Hong Ha បានកោតសរសើរចំពោះរាល់សកម្មភាពជាក់ស្ដែងរបស់សមាគមមិត្តភាពវៀតណាម-សហព័ន្ធរុស្ស៊ី។ លោកឧបនាយករដ្ឋមន្ត្រីបានបញ្ជាក់យ៉ាងច្បាស់ថា វៀតណាមកំណត់ថា ការអភិវឌ្ឍទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយជាមួយសហព័ន្ធរុស្ស៊ី គឺជាអាទិភាពមួយក្នុងចំណោមអាទិភាពសំខាន់បំផុតក្នុងគោលនយោបាយការបរទេស។ សកម្មភាពការទូតរវាងប្រជាជន និងប្រជាជននៃសមាគមមិត្តភាពវៀតណាម - សហព័ន្ធរុស្ស៊ីបានរួមវិភាគទានរួមជាមួយការទូតបក្ស និងការទូតរដ្ឋដើម្បីអនុវត្តអាទិភាពសំខាន់នោះ។

លោកឧបនាយករដ្ឋមន្ត្រី  Tran Hong Ha បានស្នើសមាគមមិត្តភាពវៀតណាម - សហព័ន្ធរុស្ស៊ីថ្នាក់មជ្ឈិម មូលដ្ឋាន និងមូលដ្ឋានត្រូវម្ចាស់ការថែមទៀតក្នុងការពង្រឹងទំនាក់ទំនងមិត្តភាពជាមួយដៃគូចាស់ ហើយកសាងផង និងបើកទូលាយទំនាក់ទំនងមិត្តភាពជាមួយដៃគូថ្មីនៅសហព័ន្ធរុស្ស៊ីផង

លោកឧបនាយករដ្ឋមន្ត្រី Tran Hong Ha ជូនផ្កាអបអរសាទរគណៈកម្មាធិការប្រតិបត្តិសមាគមមិត្តភាពវៀតណាម - សហព័ន្ធរុស្ស៊ីអាណត្តិ ២០២៣ - ២០២៨

លោកឧបនាយករដ្ឋមន្ត្រីបានលើកឡើងថា សមាគមគួរតែលើកកម្ពស់គុណភាព និងប្រសិទ្ធភាពនៃការងារព័ត៌មាន និងការឃោសនា​។ ជំរុញសកម្មភាពផ្លាស់ប្តូរជាមួយបណ្តាប្រទេសលើវិស័យសារព័ត៌មាន វប្បធម៌ អក្សរសិល្ប៍និងសិល្បៈ តាមរយៈសកម្មភាពរបស់សមាគម រួមចំណែកផ្សព្វផ្សាយយ៉ាងទូលំទូលាយនូវរូបភាពរបស់ប្រទេស មនុស្ស ប្រវត្តិសាស្ត្រ វប្បធម៌ និងប្រពៃណីរបស់វៀតណាម។

មហាសន្និបាតបានអនុម័តកម្មវិធីសកម្មភាពរបស់សមាគមមិត្តភាពវៀតណាម-សហព័ន្ធរុស្ស៊ី ដំណាក់កាល ២០២៣-​២០២៨។ មហាសន្និបាតជ្រើសរើសគណៈកម្មាធិការប្រតិបត្តិមជ្ឈិមសមាគមអាណតិ្តទី ៦ ដែលមានសមាជិកចំនួន ៩៥ នាក់ ហើយគណៈកម្មាធិការត្រួតពិនិត្យសមាគមមាន ៥ នាក់។ លោកបណ្ឌិត Phan Chi Hieu លេខាគណៈកម្មាធិការបក្ស ប្រធានបណ្ឌិតសភាវិទ្យាសាស្ត្រសង្គមវៀតណាម ត្រូវបានបោះឆ្នោតជ្រើសតាំងជាប្រធានសមាគមមិត្តភាពវៀតណាម-សហព័ន្ធរុស្ស៊ីអាណត្តិ ២០២៣-២០២៨៕

បកប្រែដោយ Pham Diep