ពិធីបើកស្ថានអគ្គកុងស៊ុលនៃសាធារណរដ្ឋវ៉ានូអាទូប្រចាំនៅទីក្រុងហូជីមិញ

តាងនាមថ្នាក់ដឹកនាំទីក្រុងហូជីមិញ លោក Tran Phuoc Anh ប្រធានមន្ទីរកិច្ចការបរទេសទីក្រុងបានអបអរសាទរចំពោះស្ថាន​អគ្គកុងស៊ុលនៃប្រទេសវ៉ានូអាទូ ហើយបានសម្តែងនូវជំនឿថា នេះនឹងជាស្ពានតភ្ជាប់ទំនាក់ទំនងដើម្បីលើកទឹកចិត្តធុរកិច្ច និងប្រជាជនវៀតណាមទៅស្វែងរកឱកាសថ្មីៗដើម្បីអភិវឌ្ឍទេសចរណ៍នៅវ៉ានូអាទូ ព្រមទាំង​ផ្សព្វផ្សាយអំពីឱកាសសេដ្ឋកិច្ចរបស់ទីក្រុងហូជីមិញ។

កាត់ខ្សែបូសម្ពោធស្ថានអគ្គកុងស៊ុលនៃសាធារណរដ្ឋវ៉ានូអាទូប្រចាំទីក្រុងហូជីមិញ (រូប​ថត៖ dangcongsan.vn)

លោក Tran Nam Trung អគ្គកុងស៊ុលវ៉ានូអាទូប្រចាំទីក្រុងហូជីមិញ បានឲ្យដឹងថា សហគមន៍វៀតណាមជាសហគមន៍អាណិកជនដ៏ធំបំផុតមួយនៅវ៉ានូអាទូ ក្នុងនោះមានសហគ្រិនជាច្រើនជាជនមានឥទ្ធិពលដែល​បានចូលរួមចំណែកយ៉ាងសំខាន់ក្នុងការអភិវឌ្ឍន៍ប្រទេស។ ចំពោះ​ការចូល​​រួមចំណែកក្នុងវិស័យ​​សេដ្ឋកិច្ចសង្គមរបស់សហគមន៍វៀតណាមនៅវ៉ានូអាទូនោះ រដ្ឋាភិបាលវ៉ានូអាទូយល់ឃើញថាចាំបាច់ត្រូវបន្តពង្រឹង ពង្រីក និងរក្សាទំនាក់ទំនងការទូតកាន់តែជិតស្និទ្ធជាមួយវៀតណាម ហើយ​ការមានវត្តមានរបស់ស្ថានអគ្គកុងស៊ុលវ៉ានូអាទូប្រចាំនៅទីក្រុងហូជីមិញ គឺជាសក្ខីភាពនៃបំណងប្រាថ្នានោះ៕

បកប្រែដោយ Duy Hoan