លោក Pham Minh Chinh នាយករដ្ឋមន្ត្រីចូលរួមកិច្ចប្រជុំអនុវត្តសេចក្តីសម្រេចចិត្តស្តីពីមជ្ឈមណ្ឌលហិរញ្ញវត្ថុអន្តរជាតិ

នៅក្នុងកិច្ចប្រជុំ លោក Pham Minh Chinh នាយករដ្ឋមន្ត្រី បានអះអាងថា ជោគជ័យនៃការសាងសង់មជ្ឈមណ្ឌលហិរញ្ញវត្ថុអន្តរជាតិ (IFC) នឹងនាំមកនូវផលប្រយោជន៍ជាយុទ្ធសាស្ត្រ និងទូលំទូលាយដល់វៀតណាម។ ជាពិសេស ទាក់ទងនឹងលំហូរមូលធន IFC ជួយវៀតណាមតភ្ជាប់ជាមួយទីផ្សារហិរញ្ញវត្ថុពិភពលោក ដោយហេតុនេះទាក់ទាញស្ថាប័នហិរញ្ញវត្ថុអន្តរជាតិ និងលំហូរទុនវិនិយោគ ទន្ទឹមនឹងការបង្កើនប្រសិទ្ធភាព និងលើកកម្ពស់ធនធានក្នុងស្រុក។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងកិច្ចប្រជុំ (រូបថត៖ baochinhphu.vn)

ទាក់ទងនឹងសេវាកម្ម IFC ជួយអភិវឌ្ឍប្រព័ន្ធអេកូឡូស៊ីសេវាកម្មហិរញ្ញវត្ថុ និងធនាគារទំនើប តាមស្តង់ដារអន្តរជាតិ។ ទាក់ទងនឹងទីផ្សារ IFC បានបង្កើតរបកគំហើញលើគុណភាពនៃទីផ្សារហិរញ្ញវត្ថុវៀតណាម ដោយជួយទីផ្សារឱ្យដំណើរការប្រកបដោយតម្លាភាព ប្រសិទ្ធភាព និងស្របតាមស្តង់ដារអន្តរជាតិ។ ចំពោះកិត្យានុភាពជាតិ IFC បានលើកកំពស់តួនាទី កិត្យានុភាព និងឥទ្ធិពលរបស់វៀតណាមនៅលើឆាកអន្តរជាតិ ជួយវៀតណាមចូលរួមយ៉ាងស៊ីជម្រៅក្នុងខ្សែសង្វាក់តម្លៃសេដ្ឋកិច្ចពិភពលោក។

លោកនាយករដ្ឋមន្ត្រី បានសង្កត់ធ្ងន់ថា មជ្ឈមណ្ឌលហិរញ្ញវត្ថុអន្តរជាតិ មិនមែនជាតំបន់ទីក្រុងពិសេស ឬជាចង្កោមនៃអគារហិរញ្ញវត្ថុនោះទេ ថែមទាំងជាការរចនាស្ថាប័នពិសេស ដោយមានកន្លែងសម្រាប់សាកល្បងគោលនយោបាយ និងទម្រង់ថ្មីៗ ហើយទន្ទឹមនឹងនោះ ក៏ជាវេទិកាចាប់ផ្តើមសម្រាប់សសរស្តម្ភនៃប្រព័ន្ធហិរញ្ញវត្ថុជាតិនាពេលអនាគត៕

បកប្រែដោយ Huyen Trang