ថ្លែងមតិក្នុងពិធីនេះ លោក Tran Quoc Phuong អនុរដ្ឋមន្ត្រីក្រសួងផែនការ និងវិនិយោគ បានលើកឡើងអំពីសមិទ្ធផលនៃកិច្ចសហប្រតិបត្តិការរវាងវៀតណាម និង UNDP ក្នុងរយៈពេល ៤៥ ឆ្នាំ ដោយសង្កត់ធ្ងន់ថា ចាប់តាំងពីខែឧសភា ឆ្នាំ១៩៧៨ រហូតមកដល់បច្ចុប្បន្ន UNDP តែងតែរួមដំណើរជាមួយវៀតណាមក្នុងការអភិវឌ្ឍ ពីប្រទេសក្រីក្រដែលត្រូវបានបំផ្លិចបំផ្លាញដោយសង្រ្គាម ទៅជាប្រទេសដែលមានចំណូលមធ្យម ហើយនាំមុខក្នុងការខិតខំប្រឹងប្រែងកាត់បន្ថយភាពក្រីក្រ និងកំណើន។ លោក Tran Quoc Phuong បានអះអាងថា រដ្ឋាភិបាលវៀតណាមជានិច្ចកាលចាត់ទុក UNDP ជាដៃគូមួយក្នុងចំណោមដៃគូសំខាន់បំផុត យូរអង្វែង និងពិតជា "មិត្តល្អបំផុត" សហការគ្នាដើម្បីផលប្រយោជន៍នៃប្រជាជនវៀតណាម ដើម្បីសន្តិភាព និងវិបុលភាពក្នុងតំបន់ និងនៅក្នុងពិភពលោក។

leftcenterrightdel
លោកស្រី Ramla Khalidi ប្រធានតំណាង UNDP ប្រចាំវៀតណាម

នៅក្នុងសុន្ទរកថារបស់ខ្លួន លោកស្រី Ramla Khalidi ប្រធានតំណាង UNDP ប្រចាំវៀតណាម បានសង្កត់ធ្ងន់លើកត្តាចំនួនបីដែលរួមចំណែកដល់ជោគជ័យនៃទំនាក់ទំនងភាពជាដៃគូវៀតណាម-UNDP គឺការជឿទុកចិត្ត និងតម្លៃរួមរវាងភាគីទាំងពីរ ការបើកចំហ និងការពិភាក្សាដោយស្មោះត្រង់។

លោកស្រី Ramla Khalidi បានឲ្យដឹងថា តាំងពីយូរណាស់មកហើយ វៀតណាម និង UNDP បានខិតខំប្រឹងប្រែងក្នុងការប្រកាន់យកប្រជាជនជាស្នូល ជំរុញកំណើនប្រកបដោយចីរភាព។ លោកស្រីបានបញ្ជាក់ថា UNDP នឹងបន្តរួមដំណើរជាមួយវៀតណាមនាពេលខាងមុខ៕

បកប្រែដោយ Thuy Anh