នាយករដ្ឋមន្ត្រីផ្ញើលិខិតអបអរសាទរដល់ជនរួមជាតិខ្មែរនៅវៀតណាមក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ

លោក Pham Minh Chinh នាយករដ្ឋមន្ត្រីវៀតណាម (រូប​ថត៖ vnanet.vn)

ក្នុងលិខិតនោះ លោកនាយករដ្ឋមន្ត្រីបានសង្កត់ធ្ងន់ថា៖ ឆ្នាំ២០២៣ គឺជាឆ្នាំស្នូល ដែលមានសារៈសំខាន់ខ្លាំងណាស់ក្នុងការអនុវត្តសេចក្តីសម្រេចចិត្តនៃមហាសន្និបាតលើកទី១៣ របស់បក្ស និងផែនការអភិវឌ្ឍន៍សេដ្ឋកិច្ច-សង្គម រយៈពេល៥ឆ្នាំ ២០២១-២០២៥; សេចក្តីសម្រេចចិត្តលេខ ១៣-NQ/TW ចុះថ្ងៃទី០២ ខែមេសា ឆ្នាំ២០២២ របស់ការិយាល័យនយោបាយ ស្តីពីទិសដៅអភិវឌ្ឍន៍សេដ្ឋកិច្ចសង្គម និងការធានាការពារជាតិ និងសន្តិសុខនៅតំបន់ដីសណ្តទន្លេគីវឡុងដល់ឆ្នាំ២០៣០ ជាមួយនឹងចក្ខុវិស័យដល់ឆ្នាំ២០៤៥។ ឆ្នាំ២០២៣ជាឆ្នាំទីពីរនៃការអនុវត្តកម្មវិធីគោលដៅជាតិសម្រាប់ការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ព្រៃភ្នំ និងជាឆ្នាំដំបូងនៃការអនុវត្តកម្មវិធីសកម្មភាពអនុវត្តយុទ្ធសាស្ត្រកិច្ចកាជនជាតិ ដែលនេះបើកឱកាសថ្មីៗជាច្រើនសម្រាប់ជនជាតិភាគតិច និងតំបន់ព្រៃភ្នំ។

លោកនាយករដ្ឋមន្ត្រីរំពឹង និងជឿជាក់ថា ប្រជាពលរដ្ឋខ្មែរ និងព្រះសង្ឃជនជាតិខ្មែរ នឹងបន្តលើកតម្កើងប្រពៃណីដ៏យូរអង្វែងរបស់ខ្លួន ស្មារតីស្នេហាជាតិ សាមគ្គីភាព ការប្តេជ្ញាចិត្ត ភាជឿជាក់លើខ្លួនឯង មានគំនិតច្នៃប្រឌិត រួមគ្នាជាមួយគ្រប់ថ្នាក់ ប្តេជ្ញាជំនះពុះពារការលំបាក និងបញ្ហាប្រឈម ខិតខំអនុវត្តឱ្យបានជោគជ័យនូវគោលដៅអភិវឌ្ឍន៍សេដ្ឋកិច្ចសង្គម និងធានាសន្តិសុខការពារជាតិ សណ្តាប់ធ្នាប់សង្គម ពង្រឹងមហាសាមគ្គីជាតិ...

បកប្រែដោយ Duy Hoan